Chiranjeevi :
మెగాస్టార్ చిరంజీవి వరుసగా డిజాస్టర్లను ఎదుర్కొంటున్నారు. తాజాగా ఆయన నటించిన ‘భోళా శంకర్’ సినిమా ఆల్ టైమ్ బిగ్గెస్ట్ డిజాస్టర్స్ లో ఒకటిగా నిలిచింది. మెహర్ రమేశ్ దర్శకత్వంలో వచ్చిన ఈ సినిమా చిరంజీవి కెరీర్ లోనే అతిపెద్ద ఫ్లాప్ గా నిలిచింది అనడంలో సందేహం లేదు.
ఇక, విషయానికి వస్తే చిరంజీవి రిజెక్ట్ చేసిన ఓ స్క్రిప్ట్ ఇంటర్నేషనల్ బ్లాక్ బస్టర్ సినిమాగా నిలిచింది.
బాలీవుడ్ లో దిగ్గజ దర్శకులు ‘ఫ్యామిలీ మ్యాన్’ ఫేమ్ రాజ్ అండ్ డీకే చిరంజీవి వద్దకు వెళ్లినట్లు ప్రముఖ నిర్మాత అశ్వనీదత్ వెల్లడించారు. రాజ్, డీకే మొదట ఫ్యామిలీ మ్యాన్ స్క్రిప్ట్ ను చిరంజీవికి వినిపించారు. ఇది ‘ఖైదీ 150’ తర్వాత జరిగింది. ఫ్యామిలీ మ్యాన్ లాంటి స్టోరీలైన్ ఉన్న సినిమాతో కమర్షియల్ హిట్ కొట్టాలని అనుకోలేదు. అది తన వాణిజ్య ఆకాంక్షలకు సరిపోదని భావించాడు.
చిరంజీవి తన కమర్షియల్ సినిమా ఆకాంక్షలను దృష్టిలో పెట్టుకొని ఫ్యామిలీ మ్యాన్ స్క్రిప్ట్ ను రిజెక్ట్ చేశాడు. నిజంగా ఆయన సినిమా చేసి ఉంటే ఏం జరిగేదో ఎవరికి తెలుసు. రాజ్ అండ్ డీకే స్క్రిప్ట్, కథనం శైలి చాలా విజయవంతమైంది. ఫ్యామిలీ మ్యాన్ దేశంలోనే అతిపెద్ద ఓటీటీ హిట్ గా నిలిచింది.
రజనీ ‘’జైలర్ లాంటి న్యూ ఏజ్ సబ్జెక్ట్, కమల్ హాసన్ ‘విక్రమ్’ లాంటి న్యూ ఏజ్ సబ్జెక్ట్ చేశారు. ఈ రెండూ బ్లాక్ బస్టర్స్ గా నిలిచాయి. ఫ్యామిలీ మ్యాన్ తరహాలో చిరు ఏదైనా చేసి ఉంటే పరిస్థితులు మరోలా ఉండేవి. చిరు రిజెక్ట్ చేసిన స్క్రిప్ట్ హై ఆర్డర్ లో బ్లాక్ బస్టర్ గా నిలిచింది.
