Varun & Lavanya : వరుణ్ – లావణ్య పెళ్లి డేట్ ఫిక్స్.. మెగా ఫ్యామిలీలో సందడి.. ఆనందంలో ఫ్యాన్స్!

మెగాస్టార్ చిరంజీవి తమ్ముడు మెగా బ్రదర్ నాగబాబు ఒక్కగానొక్క కొడుకు వరుణ్ తేజ్ గురించి తెలియని తెలుగు ప్రజలు లేరు.. మెగా ఫ్యామిలీ నుండి హీరోగా ఎంట్రీ ఇచ్చిన వరుణ్ ఆ తర్వాత తనకంటూ ప్రత్యేకమైన గుర్తింపు తెచ్చుకున్నాడు. ప్రెజెంట్ పాన్ ఇండియన్ సినిమాలను లైన్లో పెడుతూ కెరీర్ లో జెట్ స్పీడ్ తో దూసుకు పోతున్నాడు.

అలాగే పర్సనల్ లైఫ్ లో కూడా వరుణ్ తేజ్ బ్యాచిలర్ లైఫ్ కు గుడ్ బై చెప్పేసి పెళ్లి పీటలు ఎక్కబోతున్నాడు. జూన్ 9న ప్రేమించిన లావణ్య త్రిపాఠతో ఎంగేజ్మెంట్ చేసుకున్నాడు. గత కొన్ని నెలలుగా ప్రేమలో మునిగి తేలుతున్న ఈ జంట ఎంగేజ్మెంట్ చేసుకుని ఇప్పుడు పెళ్ళికి సిద్ధం అవుతున్నారు. ఎంగేజ్మెంట్ లాగానే పెళ్లి కూడా చాలా సింపుల్ గా జరగనున్నట్టు తెలుస్తుంది.

మరి పెళ్లి ఎప్పుడు ఏంటి అనే విషయాలు ఎప్పటికప్పుడు వైరల్ అవుతూనే ఉన్న తాజాగా మరోసారి ఈయన పెళ్లి డేట్ పై వార్తలు వస్తున్నాయి. పెళ్ళికి ముహూర్తం ఎప్పుడు ఫిక్స్ చేసారా అని ఎదురు చూస్తుండగా నవంబర్ 1న వీరి పెళ్లి గ్రాండ్ గా జరగనుందని తెలుస్తుంది. ఇప్పటికే వరుణ్, లావణ్య త్రిపాఠీ ప్రీ వెడ్డింగ్ సెలెబ్రేషన్స్ లో మెగా కుటుంబం మొత్తం సందడి చేసారు.

దీనికి సంబంధించిన ఫోటోలను మెగాస్టార్ పోస్ట్ చేయడంతో వైరల్ అయ్యాయి. ఇక పెళ్లి నవంబర్ 1న ఇటలీ లోని టుస్కానీలో జరగనుందని తెలుస్తుంది. కాబోయే దంపతులతో పాటు మెగా కుటుంబం, అత్యంత సన్నిహితులు మధ్య వీరి పెళ్లి జరగనుందని తెలుస్తుంది.. ఈ పెళ్లితో మరోసారి మెగా కుటుంబంలో సందడి నెలకొనగా మెగా ఫ్యాన్స్ సంతోషం వ్యక్తం చేస్తున్నారు.