Varun Lavanya Pic Viral : మెగా కుటుంబంలో మరో పెళ్లి వేడుక ఘనంగా ముగిసింది.. ఈ వేడుక కోసం మెగా ఫ్యాన్స్ మాత్రమే కాదు సాధారణ ప్రజలు కూడా ఎదురు చూసారు.. ఆరేళ్ళ తమ ప్రేమని పెళ్లిగా మార్చుకున్నారు వరుణ్ తేజ్, లావణ్య త్రిపాఠి.. మూడుముళ్లతో ఒక్కటయ్యిన ఈ జంటకు అందరు శుభాకాంక్షలు చెబుతున్నారు.
వరుణ్ తేజ్, లావణ్య త్రిపాఠి వివాహం బుధవారం రాత్రి 7 గంటల 18 నిముషాలకు ఇటలీ లోని టస్కానీలో ఘనంగా అంగరంగ వైభవంగా జరిగింది. అతి తక్కువ మంది సన్నిహితులు, మెగా, అల్లు కుటుంబం మాత్రమే హాజరవ్వగా వరుణ్ లావణ్య మెడలో మూడుముళ్లు వేసి తన జీవిత భాగస్వామిగా మార్చుకున్నాడు.
ఈ జంట పెళ్లి వేడుకకు సంబంధించిన ఫోటోలు, వీడియోలు సోషల్ మీడియాలో వైరల్ అవుతూనే ఉన్నాయి.. ప్రతీ వేడుక నుండి ఒక్క ఫోటో అయినా నెట్టింట వైరల్ అవ్వడంతో గత మూడు నాలుగు రోజుల నుండి ఈ జంట ట్రెండింగ్ లో నిలిచారు. మరి తాజాగా పెళ్ళికి సంబంధించిన బ్యూటిఫుల్ పిక్ ఒకటి వైరల్ అయ్యి అందరిని ఆకట్టుకుంటుంది.
తాళికట్టు వేళ వరుణ్ కాళ్ళు మొక్కుతూ లావణ్య కనిపించింది. ఈ పిక్ ఇంటర్నెట్ ను షేక్ చేస్తుంది.. వరుణ్ తాళి కడుతుండగా లావణ్య వరుణ్ కాళ్ళను మొక్కుతూ కనిపించింది.. ఈ పిక్ ఎంతో ఆకట్టు కుంటుంది.. ఇక ఈ జంట కలకాలం సంతోషంగా జీవించాలని అందరు కోరుకుంటూ కామెంట్స్ చేస్తున్నారు.
ఇక వరుణ్ తేజ్, లావణ్య త్రిపాఠి పెళ్ళికి చిరంజీవి, రామ్ చరణ్, అల్లు అర్జున్, ఇలా మెగా, అల్లు కుటుంబానికి చెందిన ప్రతీ ఒక్కరు షూటింగులకు బ్రేక్ ఇచ్చి మరీ పెళ్ళిలో పాల్గొన్నారు. అలాగే నితిన్ ఫ్యామిలీ, నీరజ కోన వంటి వారు కూడా భాగం అయ్యారు. ఇక వరుణ్ తేజ్, లావణ్య పెళ్లి వేడుక నవంబర్ 1న ముగియడంతో నెక్స్ట్ నవంబర్ 5న ఇక్కడ హైదరాబాద్ లోని ఎన్ కన్వెన్షన్ సెంటర్ లో రిసెప్షన్ వేడుక గ్రాండ్ గా జరగనుంది. ఈ వేడుకకు టాలీవుడ్ మొత్తం కదిలి రాబోతుంది.