Varun Tej Wedding Costs : వరున్ తేజ్ తాను ప్రేమించిన లావణ్య త్రిపాఠితో ఏడడుగులు వేశాడు. మొన్న నవంబర్ 1వ తేదీన ఆయన పెళ్లి పీటలు ఎక్కారు. ఇందుకు సంబంధించిన ఫొటోలు ప్రస్తుతం సోషల్ మీడియాలో వైరల్ అవుతున్నాయి. ఇటలీలోని టస్కనీలో వీరిద్దరి వివాహం గ్రాండ్ గా నిర్వహించుకున్నారు. ఈ వేడుకకు మెగా ఫ్యామిలీ మొత్తం తరలి వెళ్లింది.
అయితే ఈ పెళ్లి వేడుకకోసం భారీగానే ఖర్చు చేసినట్టు తెలుస్తోంది. ఈ వేడుకకోసం లావణ్య ధరించిన చీర ఖరీదు రూ.10లక్షలుగా ఉందని సమాచారం. ఈ పెండ్లి కోసం నాగబాబు ఎక్కడా రాజీపడలేదని తెలుస్తోంది. కొడుకు పెళ్లి కోసం భారీగా ఖర్చ పెట్టారని తెలుస్తోంది. ఈ వేడుక కోసం ఇటలీలోని ఎంతో ఖరీదైన ప్రాచీన బిల్డింగ్ లో చేశారు.
ఈ పెండ్లి వేడుకకోసం ఏకంగా రూ.10 కోట్ల వరకు ఖర్చు చేశారు. ఇక ఈ పెళ్లి వేడుక కోసం, వరుణ్ తేజ్ మనీష్ మల్హోత్రా డిజైన్ చేసిన క్రీమ్-గోల్డ్ షేర్వాణిని వేసుకున్నాడు. అటు లావణ్య కూడా అంతే. మనీష్ మల్హోత్రా డిజైన్ చేసిన కాంచీపురం చీరను ధరించింది. అశ్విన్ మావ్లే, హసన్ ఖాన్ ఈ జంటకు స్టైలింగ్ చేసారు. ఈ బట్టల్లో వీరిద్దరూ తెలుగు తనం ఉట్టిపడేవిధంగా కనిపించారు.
అయితే ఈ వేడుకలో అతికొద్ది మంది మాత్రమే పాల్గొన్నారు. ఇటు మెగా ఫ్యామిలీ అటు లావణ్య ఫ్యామిలీ మాత్రమే పాల్గొన్నారని తెలుస్తోంది. ఇక నేడు లేదా రేపు ఇరు ఫ్యామిలీలు ఇటలీ నుంచి ఇండియాకు బయలు దేరి రాబోతున్నాయి. నవంబర్ 5వ తేదీన గ్రాండ్ గా రిసెప్షన్ పార్టీని ఏర్పాటు చేయబోతున్నారు. ఇందులో టాలీవుడ్ సెలబ్రిటీలు, రాజకీయ ప్రముఖులు రాబోతున్నారు.