Aadipurush Second Trailer : పాన్ ఇండియన్ స్టార్ ప్రభాస్ నటిస్తున్న పాన్ ఇండియన్ సినిమాల్లో ‘ఆదిపురుష్’ ఒకటి.. ఈ సినిమా ఈ నెల జూన్ 16న వరల్డ్ వైడ్ గా గ్రాండ్ గా రిలీజ్ కానున్న విషయం తెలిసిందే. అంటే ఈ రోజు నుండి కరెక్ట్ గా 10 రోజులు మాత్రమే ఉంది.. ఈ క్రమంలోనే మేకర్స్ వరుసగా ప్రమోషన్స్ చేస్తూ బిజీగా ఉన్నారు. ఈ ప్రమోషన్స్ తో రోజురోజుకూ హైప్ పెంచుతూ పోతున్నారు.
ఈ మధ్య రిలీజ్ చేస్తున్న అన్ని ప్రమోషనల్ కంటెంట్ భారీగా హైప్ పెంచేస్తుంది.. ట్రైలర్, ఫస్ట్ సింగిల్, సెకండ్ సింగిల్ తో భారీగా అంచనాలు పెంచేసిన టీమ్ ఇప్పుడు మరో ట్రైలర్ ను రిలీజ్ చేయాలని ప్లాన్ చేస్తున్నారట.. ఫస్ట్ ట్రైలర్ తోనే ఈ సినిమాకు నెగిటివ్ టాక్ పోయి పాజిటివ్ టాక్ వచ్చింది. అందుకే సెకండ్ ట్రైలర్ అంటే ఇప్పుడు ఫ్యాన్స్ తో సహా ఆడియెన్స్ కు ఎదురు చూస్తున్నారు.
ఈసారి సెకండ్ ట్రైలర్ మాములుగా ఉండదని తెలుస్తుంది.. మరి ఈ ట్రైలర్ ఎప్పుడు రిలీజ్ చేస్తున్నారో సమాచారం బయటకు వచ్చింది. ఈ రోజు జన 6న ఆదిపురుష్ ప్రీ రిలీజ్ ఈవెంట్ గ్రాండ్ గా జరగనున్న విషయం తెలిసిందే. మరి ఈ ప్రీ రిలీజ్ ఈవెంట్ లోనే ఆదిపురుష్ సెకండ్ ట్రైలర్ ను రిలీజ్ చేయనున్నట్టు తెలుస్తుంది.
ఈ రోజు సాయంత్రం 5 గంటల నుండి తిరుపతిలో ప్రీ రిలీజ్ ఈవెంట్ స్టార్ట్ కానుంది. ఇప్పటికే ప్రభాస్ తో సహా మేకర్స్ అంతా తిరుపతి చేరుకున్నారు. మరి ఈ ప్రీ రిలీజ్ ఈవెంట్ లో సెకండ్ ట్రైలర్ ను భారీ అభిమానుల మధ్య రిలీజ్ చేస్తారని తెలుస్తుంది. ఈసారి 30 సెకన్ల నిడివి ఉన్న ఈ ట్రైలర్ లో రాముడు, రావణుడి మధ్య యుద్ధ సన్నివేశాలు చూపించనున్నట్టు తెలుస్తుంది. చూడాలి ఈ ట్రైలర్ ఇంకెంత హైప్ పెంచుతుందో..
