APTA Press Meet : అమెరికాలోని తెలుగు అసోసియేషన్ కార్యక్రమాల నిర్వహణలో ఎప్పుడూ ముందుంటుంది. ఇక్కడి నుంచి వెళ్లిన తెలుగువారితో సంఘాలు, అసోసియేషన్లు ఏర్పాటు చేసి, మంచి మంచి ప్రోగ్రామ్స్ నిర్వహిస్తున్నారు. మొన్నటి వరకు నార్త్ అమెరికన్ తెలుగు అసోసియేషన్ (NATA) ఆధ్వర్యంలో తెలుగు సినీ ప్రముఖులతో ప్రత్యేక కార్యక్రమాలు నిర్వహించారు. టాలీవుడ్ ఇండస్ట్రీకి చెందిన అనేక మంది తారలు ఇందులో పాల్గొని సందడి చేశారు. దీంతో పాటు తెలుగు తేజం అన్న నందమూరి తారక రామారావు శత జయంతి ఉత్సవాలు ఉండడంతో ఆయనకు నాటా తరుఫున ఘనంగా నివాళి అర్పించారు.
ఇక, అమెరికన్ ప్రొగ్రెసివ్ తెలుగు అసోసియేషన్ (APTA) ఆధ్వర్యంలో కార్యక్రమాలు చేపట్టేందుకు శ్రీకారం చుట్టింది. అయితే సెప్టెంబర్ 1, 2, 3వ తేదీల్లో అమెరికాలోని అట్లాంటాలో జరగనున్న 15 సంవత్సరాల మహాసభలకు సంబంధించి ఒక సమావేశం ఏర్పాటు చేస్తున్నారు నిర్వాహకులు. ఈ సమావేశాన్ని ఆదివారం (జూన్ 11) సాయంత్రం (ఇండియా కాలమానం ప్రకారం) 5 గంటలకు ఐఎస్టీ (IST) హోటల్ దసపల్లాలో ప్రెస్ మీట్ నిర్వహిస్తున్నారు. ఈ ప్రెస్ మీట్ లో ఆప్టా (APTA) బోర్డ్ చైర్ శ్రీ సుబుకోట, ఎగ్జిక్యూటివ్ ప్రెసిడెంట్ శ్రీ ఉదయ్ భాస్కర్ కొట్టె, కన్వెన్షన్ కన్వీనర్ శ్రీ విజయ్ గుడిసేవ, APTA పాస్ట్ ప్రెసిడెంట్ శ్రీ గోపాల్ గూడపాటి ఇందులో మాట్లాడనున్నారు.
ఆయా తేదీల్లో APTA ఆధ్వర్యంలో నిర్వహించే కార్యక్రమాలు, వచ్చే ప్రముఖుల గురించి ఇందులో ముఖ్యంగా చర్చించనున్నారు. APTA ప్రముఖులతో పాటు నిర్వాహకులు, కమిటీ సభ్యులు అందరూ రావాలని సూచించారు. సమావేశంలో కీలక నిర్ణయాలు ఉంటాయని పేర్కొన్నారు.
