Buy A Car Diwali Season : ఇతర దేశాల్లో కంటే భారతదేశంలో కొనుగోలు, అమ్మకాలకు ఒక సీజన్ ఉంటుంది. ఇతర దేశాల్లో అయితే ఏ వాహనమైనా వస్తువునైనా కొనాలి అమ్మాలి అంటే జస్ట్ బేరం ఉంటే చాలు. కానీ భారతదేశంలో అలా కాదు. ఇంటి నుంచి వస్తువు బయటకు పోవాలంటే వస్తువును బట్టి ముహూర్తం ఫిక్స్ అవుతుంది. ఇక ఏదైనా కొనుగోలు చేయాలంటే అది స్థిరాస్తి కావచ్చు.. వాహనం కావచ్చు.. పేద వాడికి సైకిల్ కావచ్చు మంచి ముహూర్తం, పండగలు ఉండాల్సిందే.
అంటే దసరా నుంచి దీపావళి పండగ ముగిసే వరకు వాహనాలు ఎక్కువగా అమ్ముడు పోతాయి. భారత్ లో వ్యాపారం చేయాలంటే సదరు కంపెనీలు కూడా ఫెస్టివల్స్ ను చూసి ఆఫర్లు ప్రకటించుకుంటూ వెళ్తాయి. దసరాకు ఒక కంపెనీ ఒక విధంగా ఆఫర్ ఇస్తే.. దీపావళికి మరో కంపెనీ మరో ఆఫర్ ఇలా చాలా వరకు స్టాక్ పండుగల సీజన్ లోనే క్లియర్ అవుతుంటుంది.
ఇప్పుడు ప్రస్తుతం పండుగల సీజన్ నడుస్తోంది. దసరా మొన్ననే వెళ్లి ప్రస్తుతం దీపావళి డేస్ కొనసాగుతున్నాయి. అందుకే మరో మంచి ఆఫర్లతో కార్లు కంపెనీలు ముందుకు వచ్చాయి. దసరాకు సిట్రోయెన్, మహీంద్రా, స్కోడా కంపెనీలు ఆఫర్స్ ప్రకటించాగా.. ఈ జాబితాలోకి మరి కొన్ని సంస్థలు చేరాయి.
దీపావళికి మారుతి సుజుకి, హ్యుందాయ్, హోండా కార్ల డీలర్లు తమ కార్ల మోడళ్లలో కొన్నింటికి ఆఫర్స్ ఇస్తున్నారు. ఇందులో క్యాష్ డిస్కౌంట్స్, ఎక్స్ఛేంజ్ బోనస్లు, తదితరాలు ఉన్నాయి. వాటి వివరాలను కింద చూద్దాం.
ఏ కారుపై ఎంత వరకు బెనిఫిట్
హోండా సిటీ: రూ. 90,000
ఫోక్స్వ్యాగన్ వర్టస్ : రూ. 80,000
హోండా అమేజ్ : రూ. 70,000
స్కోడా స్లావియా : రూ. 75,000
మారుతి సుజుకి డిజైర్ : రూ. 40,000
హ్యుందాయ్ వెర్నా : రూ. 30,000
నోట్: నగరానికి నగరానికి, షోరూంకు షోరూం రేట్లలో మార్పులు ఉండవచ్చు గమనించాలి.