Release date of Salar : యంగ్ రెబల్ స్టార్ డార్లింగ్ ప్రభాస్ కు క్రేజ్ ఎవ్వరూ ఊహించని స్థాయిలో ఉంది.. ఈయన బాహుబలి ఇచ్చిన జోష్ తో పాన్ ఇండియా వ్యాప్తంగా ఉన్న క్రేజ్ ను ఉపయోగించుకుని వరుసగా పాన్ ఇండియన్ ప్రాజెక్టులను లైన్లో పెట్టుకున్నాడు.. మరే హీరో ప్రకటించనన్ని ప్రాజెక్టులను ప్రభాస్ ప్రకటించడం విశేషం..
ప్రకటించడమే కాకుండా వరుసగా ఆ ప్రాజెక్టులను పూర్తి కూడా చేస్తున్నాడు. మరి ఈయన లైనప్ లో ఉన్న మోస్ట్ ఏవైటెడ్ మూవీల్లో ”సలార్ (Salar movie) ” ఒకటి.. ఈ సినిమాను కేజిఎఫ్ డైరెక్టర్ ప్రశాంత్ నీల్ తెరకెక్కిస్తుండగా హోంబలే ఫిలిమ్స్ వారు భారీ స్థాయిలో యాక్షన్ బ్లాక్ బస్టర్ గా నిర్మిస్తున్నారు.
ఇప్పటికే వచ్చిన పోస్టర్స్ తో అందరి ఫోకస్ ను తమ సినిమా వైపు తిప్పుకుంది.. ఇంకా ఎప్పుడెప్పుడు ఈ సినిమా నుండి టీజర్, ట్రైలర్ రిలీజ్ అవుతుందో అని అంతా ఆసక్తిగా ఎదురు చూస్తున్నారు. శృతి హాసన్ హీరోయిన్ గా నటిస్తున్న ఈ సినిమాను సెప్టెంబర్ 28మన వరల్డ్ వైడ్ గా రిలీజ్ చేయనున్నట్టు ఇప్పటికే మేకర్స్ అఫిషియల్ గా అనౌన్స్ చేసారు.
అయితే తాజాగా ఈ సినిమా రిలీజ్ డేట్ విషయంలో మేకర్స్ అలోచించి మరో డేట్ ఫిక్స్ చేయబోతున్నారు అంటూ వార్తలు వచ్చాయి.. అలాగే వచ్చే ఏడాది సంక్రాంతికి ఈ సినిమాను షిఫ్ట్ చేస్తున్నట్టు టాక్ రాగా నిర్మాతలు స్పందించారు. ఎట్టి పరిస్థితుల్లో ఈ సినిమా రిలీజ్ విషయంలో మార్పులు ఉండవని అనుకున్న సమయానికే రిలీజ్ చేస్తామని అధికారికంగా చెప్పడంతో ఫ్యాన్స్ హ్యాపీగా ఫీల్ అవుతున్నారు.
