Tarun : హిరో తరుణ్ తెలుగు సినీ ఇండస్ట్రీలో సంచలన హిరో. నువ్వే కావాలి, నువ్వే నువ్వే, ప్రియమైన నీకు లాంటి బ్లాక్ బస్టర్ మూవీలతో తెలుగులో 2000 సంవత్సరం నుంచి 2005 వరకు టాప్ హిరోగా కొనసాగాడు. ఎక్కడ ఉన్న పక్కన నువ్వే సాంగ్ వింటే చాలు తరుణ్ అని చెప్పేసేలా ఆ పాటలో ఒదిగిపోయాడు.
తరుణ్ కెరీర్ లో ముందు బాలనటుడిగా నటించాడు. తర్వాత హిరోగా మారి చాలా హిట్స్ కొట్టాడు. మెల్లి మెల్లిగా ఫ్లాప్ మూవీస్ రావడంతో అతడి సినీ కెరీర్ ముగిసింది. అలీతో ఓ షోలో తరుణ్ మాట్లాడుతూ… చేస్తే హిరోగానే చేస్తా.. కానీ క్యారెక్టర్లు చేయనని కరాఖండిగా చెప్పేశాడు. తరుణ్ తల్లి ఒకప్పటి హిరోయిన్ రోజా రమణి. ఆమె అంటే తరుణ్ కు చాలా ఇష్టం.
అయితే సినిమాలు తగ్గిన తర్వాత తరుణ్ వ్యాపారాలపై దృష్టి సారించాడు. పబ్ లు, ఇతర వ్యాపారాల్లో మునిగి తేలుతున్నాడు. అయితే వివాదాలు కూడా అంతే రేంజ్ లో తరుణ్ ని చుట్టుముట్టాయి. డ్రగ్స్ కేసులో తరుణ్ పేరు వినిపించడంతో ఏంటీ ఇతడు కూడా ఇలాంటి వాడేనా అని అందరూ అనుకున్నారు. అయితే తాజాగా తరుణ్ తల్లి రోజా రమణి ఒక ఇంటర్వ్యూలో పాల్గొంది.
ఈ సందర్భంగా రోజారమణి సంచలన విషయాలు చెప్పింది. తరుణ్ కు నేను ఇప్పటి వరకు పెళ్లి చేయలేదు. కానీ సోషల్ మీడియాలో చాలా మంది తరుణ్ కు మూడు పెళ్లిళ్లు చేసేశారు. అది కూడా మార్పింగ్ లతో హిరోయిన్లతో పెళ్లి చేసేశారు. తరుణ్ తో నటించిన ప్రియమణి, శ్రియ, త్రిష కూడా ఫోన్ చేసి తరుణ్ కు ఎప్పుడూ పెళ్లి చేశారు అంటీ అని అల్లరి పట్టిస్తుంటారు. అయినా సెలబ్రెటీల జీవితాల్లో సినిమాల్లోనే కాదు. బయట కూడా సోషల్ మీడియాలో పెళ్లిళ్లు చేసేస్తుంటారు. కానీ తరుణ్ కు నచ్చినపుడు పెళ్లి చేసుకుంటానని చెప్పినపుడు మాత్రం తప్పకుండా పెళ్లి చేస్తానని మాటిచ్చాడు.
