OG : పవర్ స్టార్ పవన్ కళ్యాణ్ అంటే తెలుగు రాష్ట్రాల్లో మాములు క్రేజ్ కాదు.. పవర్ స్టార్ సినిమా స్టార్ట్ అయినప్పటి నుండి ఎప్పుడెప్పుడు రిలీజ్ అవుతుందా అని అంతా ఎదురు చూస్తూనే ఉంటారు.. ఈ క్రమంలోనే పవన్ కళ్యాణ్ వరుస సినిమాలను లైన్లో పెట్టారు. ఒకవైపు తన జనసేన పార్టీ పనులను చక్కబెడుతూనే మరోవైపు షూటింగులతో కూడా బిజీగా ఉన్నాడు. ప్రస్తుతం పవన్ కళ్యాణ్ చేస్తున్న క్రేజీ ప్రాజెక్టులలో ”ఓజి” ఒకటి..
ఈ సినిమాను యంగ్ అండ్ టాలెంటెడ్ డైరెక్టర్ సుజీత్ డైరెక్ట్ చేస్తున్నాడు. సాహో వంటి ప్లాప్ అందుకున్న కూడా సుజీత్ మీద నమ్మకంతో పవన్ అవకాశం ఇచ్చారు. ప్రముఖ నిర్మాత డివివి దానయ్య ఈ సినిమాను భారీ స్థాయిలో నిర్మిస్తుండగా థమన్ సంగీతం అందిస్తున్నారు. ఇక సెప్టెంబర్ 2 న పవర్ స్టార్ పుట్టిన రోజు ఉండడంతో ఈ సినిమా నుండి టీజర్ రిలీజ్ కాబోతున్న మేకర్స్ అఫిషియల్ గా తెలిపారు.
దీంతో ఫ్యాన్స్ ఈ టీజర్ కోసం ఎదురు చూస్తున్నారు. ఇక ఇప్పుడు ఈ టీజర్ నిడివి గురించి ఒక వార్త వైరల్ అవుతుంది. ఓజి టీజర్ ను సుమారు 72 సెకన్ల నిడివితో రిలీజ్ చేయబోతున్నట్టు టాక్ వినిపిస్తుంది. టీజర్ లో పవన్ ఒరిజినల్ లుక్ ను రివీల్ చేస్తారట.. అంతేకాదు టైటిల్ కూడా ప్రకటించ బోతున్నారు అని టాక్.. ఈ టైటిల్ గురించి కూడా అదిరిపోయే సమాచారం బయటకు వచ్చింది.
ఇక ఓజి టైటిల్ గురించి ఇప్పటికే రకరకాల పేర్లు వైరల్ అయ్యాయి.. ఒరిజినల్ గ్యాంగ్ స్టర్ అనే టైటిల్ ప్రచారంలో ఉంది. అయితే ఈ టైటిల్ కాదట.. పవన్ పాత్ర పేరు ఓజాసా గంభీర్ అట.. అదే పేరుతొ టైటిల్ ను ఖరారు చేసినట్టు మీడియాలో ప్రచారం జరుగుతుంది. అంటే ఓజి టైటిల్ ‘ఓజాసా గంభీర్’ అనమాట..
