marital relationship సంసారం ఒక చదరంగం అంటారు. సాగరాన్ని అయినా ఈదొచ్చు కానీ సంసారం ఈదలేమని చెబుతారు. సంసారంలో ఒకరిని మరొకరు అర్థం చేసుకుంటే కలతలు రావు. అన్యోన్యమైన దాంపత్యానికి ఇద్దరి మధ్య అనుబంధం ఉండాలి. సంసారంలో మంచి ఉద్దేశాలు పెరగాలంటే ఇద్దరిలో సన్నిహిత్యం ఉండాలి. ఈ నేపథ్యలో మానసికంగా అర్థం చేసుకోవాలి.
విశ్వాసం
భార్యాభర్తల మధ్య విశ్వాసం ఉండాలి. అప్పుడే వారి మధ్య అపార్థాలకు తావుండదు. మనస్తాపానికి గురయితే ఇబ్బందులు వస్తాయి. నమ్మకం లేకపోతే తంటాలుంటాయి. ప్రేమకు నమ్మకం పునాది అనుమానం సమాధి అని భావించాలి. దీంతో ఆలుమగల మధ్య గొడవలు పొద్దున్నే వచ్చి సాయంత్రం పోయేవిగా ఉండాలి.
వెరైటీ
పెళ్లయిన కొత్తలో భార్యలపై ప్రేమ చూపే మగవారు తరువాత పట్టించుకోరు. ఉద్యోగం, స్నేహితులంటూ బయట ఎక్కువ సమయం గడుపుతారు. జీవితంలో కొత్తదనం కోల్పోవడంతో భర్తలపై కోపం పెంచుకుంటారు. భార్యాభర్తల మధ్య ప్రేమ పెరగాలంటే సంబంధాలు ఎంతో ముఖ్యం. అప్పుడప్పుడు చిన్న చిన్న బహుమతులు ఇవ్వడం మంచిది.
గౌరవం
ఒకరిపై మరొకరికి గౌరవం ఉండాలి. కించపరచే విధంగా మాట్లాడకూడదు. ప్రేమతో గౌరవించుకోవాలి. అప్పుడే ఇద్దరి మధ్య సఖ్యత పెరుగుతుంది. జీవిత భాగస్వామిని ప్రేమించాలి. ఇలా భార్యాభర్తలు పరస్పరం గౌరవించుకోకపోతే ఇబ్బందులొస్తాయి. ఆలుమగల బంధంలో ఎలాంటి అరమరికలు లేకుండా చేసుకోవడమే ఉత్తమం.
