Puri Jagannadh : పూరి జగన్నాథ్ తెలుగు ఫిల్మ్ ఇండస్ట్రీలో బడా డైరెక్టర్. పూరి మ్యూజింగ్స్ తో యూట్యూబ్ లో చాలా విషయాలు అభిమానులకు చెబుతుంటాడు. ఎన్నో విషయాలను పంచుకుని మోటి వేటివ్ చేస్తుంటాడు. ఈయన యూట్యూబ్ చానల్ కు చాలా మంది ఫ్యాన్స్ కూడా ఉన్నారు. ఎందుకంటే ఆయన మాట్లాడే మాటలు చెప్పే విధానం అందరికీ నచ్చుతుంది.
చాలా మంది వాటిని పాటిస్తారా.. లేదా అనే విషయం పక్కన పెడితే చాలా మోటివేటేడ్, పాజిటివ్ ఎనర్జీ కలిగించే విషయాలను షేర్ చేస్తుంటాడు. ప్రస్తుతం లవ్ ఫెయిల్యూర్ అయితే జీవితం మొత్తం అయిపోయినట్లు మందుకు బానిసై పోతుంటారు. ఇది సరైంది కాదని జీవితంలో లవ్ ఫెయిల్యూర్ అయినా నా అనుకున్న వాళ్లు మోసం చేసినా, ఇంట్లో ఎవరైనా కాలం చేసినా.. ఇవన్నీ తాత్కాలికమే. తిరిగి రాని వాటి గురించి వెక్కి వెక్కి ఏడ్చుకుంటూ కూర్చుంటే జీవితంలో ఏదీ సాధించలేం.
కొన్ని విషయాల్లో ఏడుస్తూ రోజుల తరబడి ఉంటే మానసికంగా కుంగిపోతాం. ఇది శరీరానికి, మనసుకు చాలా ప్రమాదం. అందుకే చాలా విషయాల్లో మనం మనకంటూ ప్రత్యేకంగా మారాలి. మనల్ని మనమే ఓదార్చుకోవాలి. సానుభూతి కోసం వెంపర్లాడితే సరికాదు. జీవితంలో కష్టాలు రావడం సహజమే. అందుకని కష్టాలే జీవితమనుకుని కూర్చుంటే పని కాదు. ముందుకు సాగాలి. పాజిటివ్ ఎనర్జీ పెంపొందించుకోవాలి.
పూరి మ్యూజింగ్స్ లో లవ్ ఫెయిల్యూర్ గురించే కాదు. జీవితంలో తనకు ఎదురైన సంఘటనలు మోసాలు, వాటి వల్ల పడ్డ స్ట్రగుల్స్ ఎదురైనా ఇబ్బందులు అన్నింటిని దాటుకుని ఎలా బయటకు వచ్చాడో మోటివేడ్ చేస్తుంటాడు. నిజంగా మోటివేషనల్ స్పీకర్ గా బయటకు వచ్చి మాట్లాడితే ఆయనకు అందరి కంటే ఎక్కువ మార్కులే పడతాయి. కానీ ఒక బిజీ డైరెక్టర్ గా సమాజంలో యువత , నిరాశకు లోనై ఇబ్బందులకు గురయ్యే వారికి పూరి మాటలు వింటే చాలు మనసుకు ప్రశాంతతనిస్తాయి.