Jailer Movie Villain Arrest : సౌత్ ఇండియన్ హీరోల్లో సూపర్ స్టార్ గా వెలుగొందిన రజనీకాంత్ కొన్నాళ్లుగా ప్లాప్స్ తో ఇబ్బంది పడుతున్నారు.. అదే సమయంలో ఈ మధ్య ఒక సినిమాతో వచ్చి గత రెండు దశాబ్దాలుగా అందుకోలేని హిట్ అందుకున్నాడు. రజనీకాంత్ హీరోగా నెల్సన్ దిలీప్ కుమార్ దర్శకత్వంలో తెరకెక్కిన లేటెస్ట్ మూవీ ”జైలర్”..
ఇటీవలే ఈ సినిమా రిలీజ్ అయ్యింది. ఈ ఏడాది ఆగస్టు 10న గ్రాండ్ గా రిలీజ్ అయిన ఈ సినిమా బ్లాక్ బస్టర్ హిట్ అయ్యింది. ఒకే ఒక్క సినిమాతో తనలో స్టామినా ఏ మాత్రం తగ్గలేదని నిరూపించుకున్నాడు. ఏకంగా 700 కోట్ల వసూళ్లను రాబట్టి ఈ సినీరంతో సంచలన విజయం సాధించాడు..
ఇక ఈ సినిమా సక్సెస్ తో ఈ సినిమాలో నటించిన నటులు కూడా ఫేమస్ అయ్యారు. మరి ఆ సినిమా నటులలో బాగా ఫేమస్ అయిన వారిలో విలన్ ఒకరు. జైలర్ లో విలన్ గా నటించిన నటుడు వినాయకన్.. ఇతడు మలయాళ నటుడు.. ఎన్నో సినిమాల్లో నటించినప్పటికీ జైలర్ ద్వారానే ఇతడికి బాగా గుర్తింపు లభించింది.
ముందు నుండి కేరళ ఇండస్ట్రీలో వినాయకన్ వివాదాస్పద నటుడిగా పేరు తెచ్చుకున్నాడు. ఓపెన్ గానే తనకు చాలా మందితో ఎఫైర్స్ ఉన్నట్టు చెప్పి సంచలనం రేకెత్తించాడు.. మరి ఇలాంటి నటుడిని తాజాగా పోలీసులు అరెస్ట్ చేసారని తెలుస్తుంది. ఎందుకు ఈయనను అరెస్ట్ చేసారు? అసలు ఏం జరిగిందంటే?
ఇతడు మంగళవారం మధ్య సేవించి మద్యం మత్తులో ఎర్నాకులం పోలీస్ సెషన్ కు వెళ్లి అక్కడి అధికారిపై దాడి చేసి వాగ్వాదానికి దిగినట్టు సమాచారం.. దీంతో ఇతడిని పోలీసులు అరెస్ట్ చేసారు. ఈయన అరెస్ట్ కు సంబంధించిన ఫోటోలు, వీడియోలు వైరల్ అవుతున్నాయి..