Richard Gere : జూన్ 21 ప్రపంచ యోగా దినోత్సవం. ఈ సందర్భంగా మన ప్రధాన మంత్రి నరేంద్ర మోడీ ఐక్యరాజ్య సమితి ప్రధాన కార్యాలయంలో ఏర్పాటు చేసిన యోగా దినోత్సవానికి ముఖ్య అతిథిగా హాజరయ్యారు. ఈ సందర్బంగా ప్రపంచ దేశాల నుంచి పలువురు ప్రముఖులు హాజరయి యోగా చేశారు. ప్రధానిపై ప్రశంసల వర్షం కురిపించారు. ఇందులో హాలీవుడ్ నటుడు రిచర్డ్ గేర్ కూడా పాల్గొన్నారు.
యోగాకు పుట్టినిల్లయిన భారత్ లో నిత్యం యోగా చేస్తుంటారు. దీన్ని విశ్వవ్యాప్తం చేయాలనే ఉద్దేశంతో మోడీ చేపట్టిన యోగా కార్యక్రమం ఆద్యంతం ఎంతో వేడుకగా సాగింది. ఆరోగ్య సంరక్షణలో యోగా ప్రధాన పాత్ర పోషిస్తుందని తెలిసిందే. అందుకే యోగా అందరు చేయడం వల్ల ఎన్నో మంచి ఫలితాలు ఉంటాయని యోగాను విశ్వవ్యాప్తం చేయాలని ప్రధాని సంకల్పించారు. ఇందులో భాగంగానే ఈ కార్యక్రమం నిర్వహించారు.
భారత ప్రధానిపై హాలీవుడ్ నటుడు రిచర్డ్ గేర్ తన దైన శైలిలో ప్రశంసించారు. మోడీ గొప్ప హాలీవుడ్ నటుడని కితాబిచ్చారు. అనేక సంస్కృతులు, సంప్రదాయాలు ఉన్న దేశం నుంచి వచ్చిన నేతగా అభివర్ణించారు. భారత్ అంటే తనకు ఎంతో ఇష్టమని పేర్కొన్నారు. అలాంటి దేశానికి ప్రాతినిధ్యం వహించే మోడీ పొగడ్తల జల్లు కురిపించారు.
యోగా తరువాత ప్రధానితో కాసేపు మాట్లాడారు. ప్రేమపూర్వకమైన దేశం నుంచి వచ్చిన మోడీకి ధన్యవాదాలు తెలిపారు. భారతీయ సంప్రదాయానికి ప్రతిబింబం మోడీ అన్నారు. ప్రపంచ వ్యాప్తంగా సోదర భావాన్ని పెంచే విధంగా ఉన్న ఆయన సందేశం మళ్లీ మళ్లీ వినాలనిపిస్తుంది. యోగా చేయడం వల్ల ఆయన అంత ఆరోగ్యంగా ఉన్నారని ప్రశంసించారు.