NTR :
సీనియర్ ఎన్టీఆర్ ఏ పాత్ర చేసినా అందులో పరకాయ ప్రవేశం చేయడం ఆయనకు అలవాటే. రాముడైనా, కృష్ణుడైనా, కర్ణుడైనా, దుర్యోధనుడైనా అలవోకగా చేయడం ఆయన నైజం. అలా తెలుగు చిత్ర సీమకు దొరికిన ఆణిముత్యం ఎన్టీఆర్. వినోదమైనా విషాదమైనా ఆయన ప్రత్యేకత ఉండాల్సిందే. అలా ఎలాంటి పాత్రనైనా పోషించి శభాష్ అనిపించుకునే వారు. ఈ నేపథ్యంలో ఆయన ఓ జల్సారాయుడి పాత్ర చేసి మెప్పించారు.
1957లో పాండురంగ మహత్యం సినిమా తీశారు. ఇందులో ఎన్టీఆర్, అంజలీదేవి, చిత్తూరు నాగయ్య, పద్మనాభం, రుష్యేందర్ రెడ్డి, సరోజాదేవి లాంటి వారు నటించారు. కమలాకర కామేశ్వర రావు దర్శకత్వం వహించారు. త్రివిక్రమరావు నిర్మించారు. సముద్రాల అనే తమిళ రచయిత కథను అందించారు. ఘంటసాల, సుశీల, చిత్తూరు నాగయ్య గానంతో ఆకట్టుకున్నారు.
ఇందులో ఎన్టీఆర్ జల్సారాయుడిగా కనిపించాడు. మహారాష్ట్రలోని పండరీపురంలోని సంప్రదాయాలను చెబుతూ క్యారెక్టర్ ను జోడించారు. ఈ సమయంలో యంగ్ గా ఉన్న ఎన్టీఆర్ జల్సారాయుడు పాత్రలో జీవించారు. దర్శకుడు ఎన్టీఆర్ చేత ప్రయోగాలు చేయించారు. ఎన్టీఆర్ గుర్రంపై కనిపిస్తూ ఆకట్టుకున్నాడు. సినిమాలో పాటలు ప్రేక్షకులను ఎంతగానో ఆకట్టుకున్నాయి.
గుర్రం స్వారీలో ఎన్టీఆర్ అదరగొట్టాడు. జల్సారాయుడి పాత్రలో జీవించేశాడు. సినిమా సూపర్ హిట్టయింది. ఎన్టీఆర్ నటనకు మంచి మార్కులు పడ్డాయి. దేవుళ్ల పాత్రలైనా ఎలాంటి పాత్రలనైనా అలవోకగా చేసే ఎన్టీఆర్ పాత్ర ప్రేక్షకుల మదిలో మెదులుతుంది. ఎన్టీఆర్ చేసే పాత్రల్లో నిజాయితీ ఉంటుంది. దీంతో జల్సారాయుడు పాత్ర కూడా అలాగే తీర్చిదిద్దబడింది.