మెగా కుటుంబం నుంచి ఇద్దరు స్టార్లు మరో సినిమాలో కనిపించబోతున్నారు. హీరో సాయి Dharam Tej నటిస్తున్న చిత్రంలో పవన్ కళ్యాణ్ లీడ్ రోల్ లో కనిపించనున్నారు. దీనికి సంబంధించిన ఒక అప్ డేట్ ఇప్పుడు వైరల్ గా మారింది. ఇప్పటి వరకూ ఈ మూవీకి టైటిల్ ను ఖరారు చేయలేదు చిత్ర యూనిట్. అయితే ఈ వారంలో టైటిల్ ఫైనల్ చేయబోతున్నారన్న వార్తలు వినిపిస్తు్న్నాయి.
సాయి Dharam Tej కు యాక్సిడెంట్ అయిన తర్వాత వచ్చిన మూవీ ‘విరూపాక్ష’. ఈ సినిమా బ్లాక్ బస్టర్ హిట్ సాధించింది. ఇక ఆయన తర్వాతి చిత్రం తమిళంలో విజయం సాధించిన ‘వినోదయా సీతమ్’ రీమేక్. అయితే ఈ చిత్రానికి సంబంధించి ఇప్పటి వరకూ ఎలాంటి టైటిల్ ను ఖరారు చేయలేదు మేకర్స్. అయతే ‘దేవుడే దిగివచ్చిన’ లేదా ‘దేవర’ అనే టైటిల్ ను పరిశీలిస్తున్నారు. కానీ లెటెస్ట్ గా మరో టైటిట్ ‘బ్రో’ అని ఖరారు చేసేందుకు సిద్ధం అవుతున్నట్లు తెలుస్తోంది. ఈ మూవీలో హీరో, పవన్ కళ్యాణ్ బ్రో.. బ్రో.. అని పిలుచుకుంటారు కాబట్టి ఇదే టైటిట్ గా ఖరారు చేస్తే బాగుంటుందని భావిస్తున్నారు.
త్రివిక్రమ్ శ్రీనివాస్ మాటలు, స్క్రీన్ ప్లే అందించారు. అయితే ఇప్పటికే బిజీ షెడ్యూల్ లో ఉన్న పవన్ కళ్యాణ్ ఈ సినిమా కోసం 24 రోజుల కాల్ షీట్లు కేటాయించారట. అందుకు ఆయన రూ. 45 కోట్లు తీసుకున్నట్లు సమాచారం. ఇప్పటికే షూటింగ్ పూర్తి చేసుకున్న ఈ సినిమా పోస్ట్ ప్రొడక్షన్ పనులు చేసుకుంటుందట. త్వరలోనే చిత్రాన్ని ప్రేక్షకుల ముందుకు తీసుకచ్చేందుకు అంతా సిద్ధం చేస్తున్నట్లు తెలుస్తోంది.