Salaar : ప్రభాస్ హీరోగా-ప్రశాంత్ నీల్ దర్శకత్వంలో విడుదల వాకిట్లో నిలిచిన సినిమా ‘సలార్’. ఈ మూవీ కోసం సినీ అభిమానులు ఎన్నో రోజుల నుంచి ఎదురు చూస్తున్నారు. ఈ సినిమాకు సంబంధించని ఒక వార్త ప్రస్తుతం సోషల్ మీడియాలో వైరల్ అవుతుంది. విడుదలకు నెల ముందే అమెరికాలో రికార్డు సృష్టిస్తున్నట్లు టాక్.
‘యూఎస్ లో ‘సలార్’ టికెట్స్‌ అడ్వాన్స్‌ బుకింగ్‌ ఓపెన్.. హాట్ కేకుల్లా టికెట్ల అమ్మకం’ ఈ వార్త ట్విటర్‌లో దర్శనమిస్తుంది. దీన్ని ప్రభాస్ అభిమానులు విపరీతంగా షేర్ చేస్తున్నారు. దీన్ని బట్టి చూస్తే ఓవర్సీస్‌ బాక్సాఫీస్‌ వద్ద సంచలన విజయం సాధించడం ఖాయంగా కనిపిస్తోంది. ప్రశాంత్ నీల్ దర్శకత్వంలో గతంలో వచ్చిన ‘కేజీఎఫ్‌’ కూడా ఓవర్ సీస్ లో మంచి విజయం సాధించింది. దాని తర్వాత ఆయన డైరెక్షన్‌లో వస్తున్న చిత్రం కావడంతో ‘సలార్’పై భారీ అంచనాలు ఉన్నాయి. తాజాగా విడుదలైన టీజర్‌ మరింత హైప్ ను క్రియేట్ చేసింది.
ఈ సినిమా సెప్టెంబర్‌ 28న విడుదల చేస్తామని మేకర్స్ ఇప్పటికే ప్రకటించారు. అదే నెల మొదటి వారం నుంచే ప్రమోషన్స్ ప్రారంభించనున్నారు. త్వరలో ఫస్ట్ సింగిల్ రిలీజ్ చేసి ప్రమోషన్ ను మరింత పెంచే యోచనలో టీమ్ ఉన్నట్లు సమాచారం. ఈ మూవీకి సంబంధించిన మరో వార్త కూడా వైరల్ అవుతోంది. ఇందులోని కొన్ని సన్నివేశాలు ‘కేజీఎఫ్‌’ను మించి ఉంటాయని టాక్. క్లైమాక్స్‌లో ప్రభాస్ వెయ్యి మందితో ఫైట్‌ చేస్తారట. దీంతో పాటు డ్యూయల్ రోల్ చేస్తున్నారట. రెండు భాగాలుగా దీన్ని తెరకెక్కిస్తున్నటు ప్రకటించిన ప్రశాంత్ నీల్ మొదటి భాగాన్ని (పార్ట్-1)ను కొన్ని రోజుల్లో రిలీజ్ చేయనున్నారు.
