Shahrukh Dupe Remuneration : బాలీవుడ్ బాద్షా షారుఖ్ ఖాన్ కు నార్త్.. సౌత్ అనే తేడా లేకుండా అంతటా అభిమానులున్నాయి. ఎన్నో ఏళ్లుగా ఆయన సినిమాలు చేస్తూ ఫ్యాన్స్ ను అలరిస్తూ వస్తున్నారు. ఏ పెద్ద హీరోలకైనా కొన్ని యాక్షన్ మరియు రిస్కీ సీన్లలో డూప్ నటించడం కామన్. ఈ విషయం సినిమాలు చూసే వారందరికీ తెల్సిందే. అయితే షారుక్ కు ఓ వ్యక్తి 15ఏళ్లుగా డూప్ గా నటిస్తున్నాడు.
షారుఖ్ తాజా చిత్రం ‘జవాన్’లోనూ ఆయన డూప్ నటించారు. ఈ మూవీలో షారుఖ్ డ్యూయల్లో భాగంగా తండ్రి.. కొడుకులుగా కన్పించాడు. రియల్ షారుఖ్ ఈ మూవీలో కొడుకుగా నటిస్తే.. ఆయన డూప్ తండ్రిగా నటించినట్లు తెలుస్తోంది. ఆ వ్యక్తే ప్రశాంత్ వాల్దే. ఈయన గత 15ఏళ్లు షారుఖ్ డూప్ గా నటిస్తుండటం గమనార్హం.
ప్రశాంత్ వాల్దే డూప్ గా నటిస్తున్నప్పటికీ ఆయన రైటర్.. డైరెక్టర్.. ప్రొడ్యూసర్ గాను సినిమాల్లో బిజీగా ఉన్నట్లు సమాచారం. తాజాగా ఆయన ఓ ఇంటర్వ్యూలో మాట్లాడుతూ పలు ఆసక్తికరమైన విషయాలను వెల్లడించారు. జవాన్ సినిమాలో ఓ సీన్లో తండ్రిని కొడుకు హగ్ చేసుకునే సన్నివేశం ఉంటుందని చెప్పాడు.
అది చేసేటప్పుడు షారుక్ కొడుకు గెటప్ వేస్తే తాను తండ్రి గెటప్ వేశానని చెప్పాడు. నేను కొడుకు గెటప్ వేస్తే షారుఖ్ తండ్రి గెటప్ సీన్స్ చేశారని.. ఇలా తాము వేర్వేరు గెటప్స్ వేయాల్సి వచ్చిందని ప్రశాంత్ తెలిపాడు. ఇకపోతే షారుఖ్ డూప్ గా నటిస్తున్న ప్రశాంత్ రోజుకు 30వేల పారితోషికం తీసుకుంటాడట.
ఈ లెక్కన నెలకు ఆయన సంపాదన 9లక్షలు. సినిమా మొత్తంలో తనకు 30 నుంచి 40 లక్షల వరకు రెమ్యూనరేషన్ అందుతుందట. ఒక డూప్ సంపాదన ఓ మీడియం రేంజ్ హీరో రెమ్యూనేషన్ కు సమానంగా ఉండటంతో సినీప్రియులు షాక్ అవుతున్నారు.