Jawan & Kattappa :
షారుఖ్ సెన్సేషనల్ మూవీ ‘జవాన్’ మూవీతో ‘బాహుబలి’ కట్టప్పకు ఓ లింకు ఉంది. దర్శకుడు అట్లీ తన సినిమాలను గతంలో చాలా పాపులర్ అయిన పాత సినిమాలను స్ఫూర్తిగా తీసుకొని మలుస్తూ బ్లాక్ బస్టర్ కొడుతున్నారు. గతంలో ఆయన తెరకెక్కించిన పలు సినిమాలు ఈ కోవకు చెందినవే. షారుఖ్ ‘జవాన్’ సైతం సత్యరాజ్(కట్టప్ప) హీరోగా నటించిన ‘తాయ్’ కథాంశంతో చిత్రీకరించినట్లు ప్రచారం జరుగుతోంది.
‘బాహుబలి’ కట్టప్ప ఇప్పటి జనరేషన్ కు క్యారెక్టర్ ఆర్టిస్టుగానే తెలుసు. కానీ 1980 నుంచి 2000 వరకు ఆయన కోలీవుడ్ స్టార్ హీరోల్లో ఒకడిగా కొనసాగారు. ‘బహ్మ’.. ఎం.ధర్మరాజు ఎంఏ.. ఎస్పీ పరశురామ్ ఒరిజినల్ మూవీల్లో సత్యరాజే కథానాయకుడు. ఆయన నటించిన ‘తాయ్’ 1989లో రిలీజై నాడు సూపర్ హిట్ గా నిలిచింది. ఈ మూవీలో రాధిక హీరోయిన్.
ఈ సినిమా స్టోరీని పరిశీలిస్తే.. నిజాయితీ కలిగిన ఒక మిలిటరీ ఆఫీసర్ ని దుండగులు అన్యాయంగా కేసులో ఇరికిస్తారు. శత్రువులకు సహకారం అందించాడనే నెపంతో అవమానాలు చేస్తారు. నిజం బయటకు రాకుండా అతనిని చంపి ఆత్మహత్యగా చిత్రీకరిస్తారు. అతడి కుటుంబం అవమానం భారంమోస్తుంది. ఇక అతడి కొడుకు పెరిగి పెద్దవాడై తండ్రిని ఈ స్థితికి తీసుకు వచ్చిన వాళ్లను పట్టుకొని ప్రతీకారం తీర్చుకుంటాడు.
ఈ రెండు పాత్రల్లో సత్యరాజ్ డ్యూయల్ రోల్ చేశారు. ఇదే కథను అట్లీ ‘జవాన్’లో చూపించారు. అయితే ‘జవాన్’లో తండ్రిని బ్రతికించి అతడి స్థానంలో దీపికా పదుకొనేకి ఉరి వేయిస్తాడు. ఇదొక్కడే ప్రధానమైన తేడా. ఈ ఒక్క సినిమానే కాకుండా అట్లీ గతంలో తీసిన సినిమాల్లోనూ పాత సినిమాలు ఇన్స్పిరేషన్ గా తీసుకొని తన ప్రాజెక్టులో భాగంగా చేస్తూ హిట్ కొడుతున్నాడు. ఈ ఫార్మూలా అతనికి బాగా కలిసి రావడంతో రాబోయే చిత్రాల్లోనూ అట్లీ ఇదే ఫార్ములా కొనసాగించే అవకాశం కన్పిస్తోంది.