Rajinikanth Silence : దళపతి విజయ్ ప్రధాన పాత్రలో నటించిన సినిమా ‘లియో’ మిక్స్ డ్ టాక్ అందుకున్నప్పటికీ విజయాన్ని సొంతం చేసుకోగలిగింది. ఈ మూవీపై అటు సినిమా పరంగానూ ఇటు బాక్సాఫీస్ పరంగానూ భారీ అంచనాలే ఏర్పడ్డాయి. సూపర్ స్టార్ రజినీకాంత్ సినీ పరిశ్రమలో తోటి వ్యక్తుల పట్ల తనదైన శైలిలో వ్యవహరించే స్వభావం అందరికీ తెలిసిందే. ‘జైలర్’ చిత్రంలో జాకీ ష్రాఫ్ అతిథి పాత్రలో నటించినందుకు కృతజ్ఞతగా టైగర్ ష్రాఫ్ నటించిన ‘గణపతి’ చిత్రం విడుదల సందర్భంగా ఆయన అభినందనలు తెలిపారు. ‘లియో’ గురించి రజినీకాంత్ నుంచి ఎలాంటి స్పందనా రాకపోవడం గమనార్హం.
‘లియో’ దర్శకుడు రజినీకాంత్ తో కలిసి ‘తలైవర్ 171’ సినిమా చేయబోతున్నప్పటికీ ఈ సినిమాకు సంబంధించి ఎలాంటి ట్వీట్లు, కామెంట్లు ఇప్పటి వరకు చేయలేదు రజనీకాంత్. థియేట్రికల్ రిలీజ్ కు ముందే రజినీకాంత్ ‘లియో’ సినిమా చూశారని, కానీ సోషల్ మీడియాలో దాని గురించి చర్చించకుండా సైలెంట్ గా ఉండిపోయారని సమాచారం. ఆయన మౌనం వెనుక కారణం తెలియడం లేదు.
గతంలో నెల్సన్ దర్శకత్వంలో విజయ్ నటించిన ‘బీస్ట్’ సినిమాపై కూడా రజినీకాంత్ స్పందించకపోవడం గమనార్హం. తన తదుపరి చిత్రం ‘జైలర్’ను అదే దర్శకుడితో తెరకెక్కిస్తారని వార్తలు వచ్చిన సంగతి తెలిసిందే. ‘లియో’ గురించి రజినీకాంత్ మౌనం వహించడం ఆయనకు సినిమా నచ్చలేదనడానికి నిదర్శనమని విజయ్ ను ట్రోల్ చేస్తున్న యాంటీ ఫ్యాన్స్ నుంచి నెగిటివ్ కామెంట్స్ వస్తున్నాయి. బీస్ట్ తర్వాత నెల్సన్ కు బ్లాక్ బస్టర్ ఇచ్చినట్లే లియో తర్వాత లోకేష్ కు కూడా రజినీకాంత్ బ్లాక్ బస్టర్ ఇస్తాడని వారు ఆశిస్తున్నారు.