YS Sharmila – Nara Lokesh : చంద్రబాబు నాయుడు లెక్కలు కట్టి నిలకడగా ఉండే రాజకీయాలకు పేరుగాంచితే, నారా లోకేష్ మాత్రం డిఫరెంట్ టైపులా కనిపిస్తున్నారు. జగన్ లా ప్రతీకార రాజకీయాలు చేయనని నిరూపిస్తున్నారు. క్షమాగుణం ఉన్న నేతగా లోకేష్ నిలుస్తున్నారు. గత రెండు రోజులు సరిగ్గా అదే కనిపించింది.
మొన్న ఆయన ప్రశాంత్ కిషోర్‌ని హైదరాబాద్ నుంచి విజయవాడ తీసుకెళ్లి చంద్రబాబు నాయుడుతో సమావేశంలో కూర్చోబెట్టడం చూశాం. ప్రశాంత్ కిషోర్ వల్లే జగన్ అధికారంలో ఉన్నారని ఏపీలో సగానికి పైగా ప్రజలు విశ్వసిస్తున్నారు, అందుకే ఎయిర్‌పోర్ట్ నుండి బయటకు వచ్చిన చిన్న వీడియో ఏపీ రాజకీయాల్లో దాదాపు సంచలనమైంది.
అది చాలదన్నట్లు ఆ మరుసటి రోజే అంటే ఈరోజు జగన్ మోహన్ రెడ్డికి లోకేష్ మరో బౌన్సర్ విసిరాడు. వైఎస్ షర్మిల స్వయంగా పంపిన క్రిస్మస్ కానుక చిత్రాలను ఆయన పోస్ట్ చేశారు. షర్మిలకు జగన్‌తో గత రెండేళ్లుగా సంబంధాలు సరిగా లేవు. వారు ఒకరినొకరు ముఖం కూడా చూపించుకోవడం లేదు. ఇంట్లోనే గొడవలు ఉన్నట్టు కనిపిస్తోంది.
ఈ క్రమంలోనే షర్మిల జగన్‌పై కూడా పరోక్ష వ్యాఖ్యలు చేయడం చూశాం. ఈ సమయంలో షర్మిల అనూహ్యంగా తన ప్రత్యర్థి అయిన లోకేష్‌కి కానుకను పంపడం.. అది కూడా ఆంధ్రప్రదేశ్‌లో ఎన్నికలకు కేవలం మూడు నెలల సమయం ఉన్నందున జగన్ మోహన్ రెడ్డికి.. వైఎస్సార్ కాంగ్రెస్ పార్టీకి ఇదొక చెంపదెబ్బలా మారింది. దాన్ని స్వయంగా ట్వీట్ చేసి బయటపెట్టి నారా లోకేష్ షాకిచ్చాడు. నారా లోకేష్‌ని తక్కువ అంచనా వేసిన వారందరికీ ఈ పరిణామం షాకింగ్ లా మారింది.
Dear @realyssharmila Garu,
Please accept my heartfelt thanks for the wonderful Christmas gifts. Nara family wishes you and your family Merry Christmas and a Happy New Year. pic.twitter.com/4yn4SiGcjv— Lokesh Nara (@naralokesh) December 24, 2023
