మన ఆరోగ్య సంరక్షణకు మనం ఎన్నో జాగ్రత్తలు తీసుకోవాల్సిన సమయం వచ్చింది. ప్రస్తుతం మన ఆహార శైలి అదుపు తప్పుతోంది. అందుకే రోగాలు చుట్టుముడుతున్నాయి. చిన్న వయసులోనే మధుమేహం, రక్తపోటు, అల్సర్, థైరాయిడ్, గుండె జబ్బులు మనుషులను భయపెడుతున్నాయి. అయినా మనలో మార్పు రావడం లేదు. ఫలితంగా ఆరోగ్యం దెబ్బతింటున్నా పట్టించుకోవడం లేదు. ఈ నేపథ్యంలో మనం తినే ఆహారమే ప్రతిబంధకంగా మారుతుందని తెలుసుకుని తగిన జాగ్రత్తలు తీసుకుంటేనే మనుగడ ఉంటుంది. లేదంటే టపా కట్టేయడమే.
మనకు ఆరోగ్యాన్నిచ్చే ఆహారాలు ఎన్నో ఉన్నాయి. అందులో పచ్చి బఠాణీ ఒకటి. వీటిని తినడం వల్ల పోషకాలు మెండుగా అందుతాయి. ఆరోగ్యానికి ఇవి ఎంతో మేలు చేస్తాయి. ఇందులో ఉండే విటమిన్లు మన శరీరానికి అండగా నిలుస్తాయి. మన ఆరోగ్యాన్ని పది కాలాల పాట కాపాడే శక్తి వీటిలో ఉంటుంది. అందుకే వీటిని రోజువారీ ఆహారంలో చేర్చుకుంటే మంచి ఫలితాలు ఉంటాయి.
పచ్చి బఠాణీలలో విటమిన్ ఎ, విటమిన్ సి, విటమిన్ ఇ పుష్కలంగా ఉంటాయి. ఇందులో పీచు పదార్థాలు అధికంగా ఉండటం వల్ల మన ఆరోగ్యాన్ని కాపాడటంలో కీలక పాత్ర పోషిస్తాయి. ఇంకా పొటాషియం, జింకు ఉండటం వల్ల కూరకు రుచి తెస్తాయి. వీటిని తినడం వల్ల మన శరీరంలో ఎన్నో మార్పులు వస్తాయి. ఆరోగ్యాన్ని కాపాడటంలో ఇవి మంచి లాభాలు ఇస్తాయి.
ఇందులో ఉండే ఫోలిక్ యాసిడ్ వల్ల చర్మానికి ఎన్నో పోషకాలు ఇస్తాయి. వారంలో కనీసం మూడు సార్లు తింటే పలు రకాల రోగాల నుంచి ఉపశమనం పొందవచ్చు. అధిక కొలెస్ట్రాల్ ను అదుపులో ఉంచుతుంది. షుగర్ స్థాయిలు పెరగకుండా నియంత్రిస్తాయి. ఈ నేపథ్యంలో పచ్చి బఠాణీలను మన ఆహారంలో భాగంగా చేసుకోవడం వల్ల మనకు అనుకూల ఫలితాలు వస్తాయని ఆరోగ్య నిపుణులు సూచిస్తున్నారు.
