అమెరికా అధ్యక్షుడు జో బైడెన్ పై తీవ్ర అసంతృప్తితో ఉన్నారు అమెరికన్లు. తాజాగా అమెరికాలో మధ్యంతర ఎన్నికలు జరిగాయి. ఆ ఎన్నికల్లో బైడెన్ పై తీవ్ర అసంతృప్తి వ్యక్తం చేసినట్లు ఎగ్జిట్ పోల్స్ ఫలితాలు వెల్లడిస్తున్నాయి. ప్రతీ పదిమందిలో ఏడుగురు బైడెన్ సర్కారుపై తీవ్ర ఆగ్రహంగా ఉన్నారట. దాంతో 2024 లో జరుగబోయే అమెరికా అధ్యక్ష ఎన్నికల్లో జో బైడెన్ మళ్లీ పోటీ చేయడం అనుమానమే అని అంటున్నారు.
బైడెన్ పై ఇంతగా అసంతృప్తి వ్యక్తం కావడానికి కారణాలు ఏంటో తెలుసా……. సరైన పాలన అందించకపోవడమే అని మొహమాటం లేకుండా చెబుతున్నారట. ద్రవ్యోల్బణం పెరుగుదల , దేశంలోకి అక్రమ చొరబాట్లతో పాటుగా దేశ వ్యాప్తంగా గన్ కల్చర్ మరింతగా పెట్రేగిపోవడం , పెద్ద ఎత్తున ప్రాణనష్టం జరుగుతుండటం వంటి కారణాలను చెబుతున్నారట.
అలాగే అమెరికా సుప్రీంకోర్టు గర్భధారణ విషయంలో ఇచ్చిన తీర్పు కూడా ఒక కారణమని ఆగ్రహంగా ఉన్నారట. ఇక ఇదే అదునుగా భావించిన డొనాల్డ్ ట్రంప్ 2024 ఎన్నికల్లో పోటీకి సిద్దమని ప్రకటించాడు.