వాట్ సమంతకు మళ్లీ పెళ్లా..? ఇండస్ట్రీ మొత్తం ఇప్పుడు ఇదే డిస్కషన్ జరుగుతోంది. పైగా సమంత పెళ్ళికి నాగచైతన్యతో చెట్టాపట్టాలేసుకొని తిరుగుతోందని ప్రచారం జరుగుతున్న హీరోయిన్ శోభిత హాజరైయిందంటున్న వార్తలు ఇప్పుడు ఇండస్ట్రీని షేక్ చేస్తున్నాయి. అసలు సమంత పెళ్లి ఏంటి.. దానికి శోభిత రావడమేంటని అంతా ఆశ్చర్యపోతున్నారు. అయితే ఇందులోని లాజిక్ తెలిసి అంతా కూల్ అవుతున్నారు.
తెలుగు అమ్మాయిగా ఇండస్ట్రీలోకి అడుగుపెట్టి.. నార్త్ బ్యూటీలని మించేలా గ్లామర్ షోలో రెచ్చిపోతున్న శోభిత యంగ్ హీరో అక్కినేని నాగచైతన్యతో ఎఫైర్ కొనసాగిస్తోందంటూ చాలా కాలంగా రూమర్స్ వినిపిస్తున్నాయి. సమంత నుంచి విడిపోయాక చైతు.. శోభితతో ప్రేమాయణం మొదలు పెట్టాడు అంటూ వార్తలు వస్తున్నాయి. ఈ తరుణంలో శోభిత.. సమంత పెళ్లి అంటూ సోషల్ మీడియాలో పోస్ట్ పెట్టగా అది సంచలనంగా మారింది.
సమంతకు పెళ్లి ఏంటి అని అంతా అక్కయ్యారు. అయితే శోభిత కామెంట్స్ చేసింది హీరోయిన్ సమంత గురించి కాదు. ఆమె స్నేహితురాలు సమంత గురించి. శోభిత తన బెస్ట్ ఫ్రెండ్ సమంత వివాహానికి హాజరైంది. ఆమె ఓ డాక్టర్ అని తెలుస్తోంది. ఆమె పెళ్ళిలో శోభిత ధూళిపాళ సందడి చేసింది. మెహందీ, వెడ్డింగ్ ఫొటోస్ ని ఫ్యాన్స్ తో పంచుకుంది. మొత్తానికి ఒక్క ట్వీట్ తో మొత్తం ఇండస్ట్రీని షేక్ చేసింది శోభిత,