Shirish Bharadwaj : మెగాస్టార్ చిరంజీవి చిన్న కూతురు శ్రీజ మాజీ భర్త శిరీష్ భరద్వాజ్ (39) అనారోగ్యంతో మృతి చెందారు. 2007లో శ్రీజను శిరీష్ భరద్వాజ్ ప్రేమించి పెళ్లి చేసుకున్న సంగతి తెలిసిందే. పెద్దలకు తెలియకుండా ఆర్య సమాజ్ లో జరిగిన ఈ వివాహం అప్పట్లో సంచలనం రేపింది. శ్రీజ-భరద్వాజ్ దంపతులకు ఒక కుమార్తె కూడా ఉంది. అనంతరం వీరిద్దరి మధ్య విభేదాలు పెరగడంతో 2014లో విడాకులు తీసుకున్నారు.
శ్రీజతో విడిపోయిన తర్వాత 2019లో హైదరాబాద్ కు చెందిన డాక్టర్ విహనను శిరీష్ భరద్వాజ్ వివాహం చేసుకున్నారు. ప్రస్తుతం వారు చెన్నైలో ఉన్నట్లు సమాచారం. అయితే, కొంత కాలంగా శిరీష్ భరద్వాజ్ అనారోగ్యంతో ఉన్నట్లు తెలుస్తోంది. ఆయన లంగ్స్ డ్యామేజ్ కావడంతో ఆసుపత్రిలో చికిత్స పొందుతూ కొంత సేపటి క్రితం మృతి చెందారు. బీజేపీలో చేరిన భరద్వాజ్ కొంత రాజకీయాల్లో క్రియాశీలకంగా వ్యవహరించారు.