KCR Film : మల్లెమాల ప్రొడక్షన్ హౌజ్ నుంచి వచ్చిన జబర్దస్త్ తో మంచి గుర్తింపు తెచ్చుకున్న వారు ఎందరో ఉన్నారు. అందులో కొందరు ఇండస్ట్రీలో హీరోలుగా స్థిరపడితే.. ఎక్కువ మంది క్యారెక్టర్ ఆర్టిస్ట్ లుగా మారారు. ఇక వేణు దర్శకుడిగా మారి తీసిన ‘బలగం’ రెండు తెలుగు రాష్ట్రాల్లో అత్యంత ఆదరణపొందింది. జబర్దస్త్ ఆర్టిస్టుల్లో మరో టీం లీడర్ ‘రాకింగ్ రాకేశ్’ ఇప్పుడిప్పుడే సినిమాల్లోకి వస్తున్నాడు. ఈ నేపథ్యంలో ఆయన ఒక మూవీని నిర్మించడంతో పాటు నటిస్తున్నాడు. ఆ సినిమానే ‘కేసీఆర్ (కేశవ్ చంద్ర రమావత్)’.
తెలంగాణ మినిస్టర్ చామకూర మల్లారెడ్డి రాకేశ్ చేతుల మీదుగా సినిమా షూటింగ్ ను లాంచ్ చేశాడు. తెలంగాణ బంజారాల చుట్టూ కథ తిరుగుతుంది. ఈ సినిమాపై స్పందించిన ఆయన పలు ఆసక్తికర విషయాలను పంచుకుంటున్నాడు. ఆయన ఏమంటున్నారంటే.. ‘హీరోలకు, హీరోయిన్లకు, పొలిటీషియన్స్ కు కూడా ఫ్యాన్స్ ఉంటారు. నాకు కేసీఆర్ అంటే చాలా ఇష్టం.. నేను ఆయన ఫ్యాన్’. అందుకే ఆయన పేరుతో సినిమా చేయాలని అనుకున్న.. ఆలోచన వచ్చిందే తడువుగా ప్రారంభం కూడా చేశాను. అయితే, అందరూ తను బినామీ డబ్బులతో మూవీ తీస్తున్నట్లు చెప్తున్నారు. అవన్నీ బూటకపు మాటలు.
కేసీఆర్ సినిమా తీసేందుకు నేను మా అమ్మకోసం ఇష్టంగా కట్టించిన ఇంటిని తాకట్టు పెట్టాల్సి వచ్చింది. ఇప్పటి వరకైతే కారును కూడా అమ్మేశా. ఈ కథ కొంత మంది ఫైనాన్సియర్స్, నిర్మాతలు చెప్తే చేద్దామని కొందరు మాట ఇచ్చి.. తప్పారు. దీంతో మూవీ భారం నాపై పడింది. చిత్ర నిర్మాణం విషయంలో మా తల్లి, భార్య వెన్నంటే ఉండడం నాకు ఆనందంగా ఉంది. తన భార్య సుజాత గురించి ఎమోషనల్ అయ్యాడు రాకింగ్ రాకేష్.