Jr. NTR Tweet : కొత్త సంవత్సరం మొదటి రోజే ఉత్పాతంలా వచ్చిన భూకంపం జపాన్ దేశాన్ని అతలాకుతలం చేసింది. ఇప్పటివరకు 13మంది చనిపోయారు. పలువురు గాయపడ్డారు. వేలాది మంది నిరాశ్రయులయ్యారు. వందలాది భవనాలు కుప్పకూలిపోయాయి. ఆ శిథిలాల కింద ఎంతో మంది చిక్కుకున్నట్లు సమాచారం. మృతుల సంఖ్య భారీగానే ఉండనున్నట్లు తెలుస్తోంది.
ఇప్పటికీ అందిన సమాచారం ప్రకారం.. 46వేలకు పైగా ఇండ్లు భూకంపం బారిన పడ్డాయి. 62,000మందికి పైగా నిరాశ్రయులయ్యారు. అనేక ప్రాంతాల్లో బ్లాక్ అవుట్స్ ఏర్పడ్డాయి. 50వేలకు పైగా నివాసాలకు కరెంట్ సరఫరా స్తంభించిపోయింది. రోడ్లన్నీ ధ్వంసమయ్యాయి. భూకంప ప్రభావిత ప్రాంతాలతో సంబంధాలు తెగిపోయాయి. దీనివల్ల సహాయక చర్యల్లో జాప్యం ఏర్పడుతోంది.
ఇదిలా ఉండగా జపాన్ భూకంపంపై జూనియర్ ఎన్టీఆర్ చేసిన ట్వీట్ వైరల్ అవుతోంది. జపాన్ నుంచి ఈరోజే ఇంటికి వచ్చా.. తాను వచ్చిన వెంటనే అక్కడ భూకంపం రావడంపై తాను షాక్ అయ్యానని, గత వారం రోజులుగా అక్కడే ఉన్నానని తెలిపారు. ఈ విపత్తు వల్ల ప్రభావితమైన ప్రతీ ఒక్కరూ క్షేమంగా ఉండాలని కోరుకుంటున్నట్లు పేర్కొన్నారు. జపాన్ ప్రజల ధైర్యానికి కృతజ్ఞతలు అంటూ తన అధికారికి అకౌంట్ లో పోస్టు చేశారు.
ఎన్టీఆర్ చేసిన ట్వీట్ తో ఫ్యాన్స్ కూడా షాక్ అవుతున్నారు. దేవుడి దయ వల్లే ఎన్టీఆర్ త్వరగా బయటపడ్డారని, లేకుంటే ఏం జరిగేదో అని కామెంట్స్ చేస్తున్నారు. ఎంతైనా జపాన్ ప్రజల గుండెలు గట్టివేనని, వారు ఎంత కిందకు పడిపోయినా ఉవ్వెత్తున్న మళ్లీ పుంజుకోవడం వారికి అలవాటేనంటూ సానుభూతి ప్రకటిస్తున్నారు. తమ హీరో ముందుగానే జపాన్ వదిలిపెట్టి రావడంపై ఆనందం వ్యక్తం చేస్తున్నారు.
కాగా, జపాన్ భూకంపంపై ఆ దేశ ప్రధాని కిషిదా మాట్లాడుతూ.. కొత్త ఏడాది తొలి రోజే భూకంపం తమ దేశాన్ని తీవ్రంగా నష్టపరిచిందని ఆవేదన వ్యక్తం చేశారు. ఆస్తి, ప్రాణ నష్టం కూడా తీవ్రంగానే ఉండే అవకాశం ఉందని చెప్పారు. ప్రభావిత ప్రాంతాల్లో రక్షణ చర్యలు తీసుకుంటున్నామన్నారు.
Back home today from Japan and deeply shocked by the earthquakes hitting. Spent the entire last week there, and my heart goes out to everyone affected.
Grateful for the resilience of the people and hoping for a swift recovery. Stay strong, Japan 🇯🇵— Jr NTR (@tarak9999) January 1, 2024
