Padmavibhushan Chiranjeevi : తెలుగు ఖ్యాతిని ప్రపంచానికి చాటిన తెలుగు సినీ పరిశ్రమ మూడో నేత్రం మెగాస్టార్ చిరంజీవి. తెలుగు సినిమాకు పరుగులు నేర్పిన నటుడు ఆయన. తెరపై చిరు కనపడితే చాలు చిన్న పిల్లాడి నుంచి పండు ముదుసలి వరకు ఆనందంతో కేరింతలు కొడుతారు. కమల్ హాసన్ నటన, రజినీకాంత్ స్టైల్.. ఈ రెండు కలగలిపిన ఏకైక నటుడు. డ్యాన్స్, ఫైట్లు, స్టైలిష్ యాక్టింగ్ ,కామెడీ టైమింగ్..ఇలా ఒక్కటేమిటి నటనలో నవరసాలు పలికించి కోట్లాది అభిమానులను సొంతం చేసుకున్న ఘనత ఆయనది.
ఆయన కెరీర్ ప్రారంభంలో వచ్చిన ఖైదీతో బ్లాక్ బస్టర్ హిట్ కొట్టి.. అందరి కళ్లను తనవైపు తిప్పుకున్నారు. అనాటి నుంచి ఈనాటి వరకు ఏనాడూ వెనుదిరిగింది లేదు. అప్పటికీ, ఇప్పటికీ, ఎప్పటికీ తెలుగు సినిమాకు ఆయనే నంబర్ వన్, మెగాస్టార్. తాను అగ్రహీరో కావడమే కాదు దాదాపు ఇప్పటి తెలుగు సినిమా హీరోలు, మిగతా టెక్నిషియన్స్ అందరికీ ఆయనే స్ఫూర్తి ప్రదాత. తన కుటుంబంలో కూడా పవన్ కల్యాణ్, రామ్ చరణ్, అల్లు అర్జున్ వంటి స్టార్ హీరోలు వచ్చారంటే అది చిరు చలువే.
చిరంజీవి నటుడిగానే కాదు.. సామాజిక సేవలోనూ కొత్త ఒరవడి సృష్టించారు. బ్లడ్ బ్యాంకు, ఐబ్యాంకులు గత రెండు దశాబ్దాలుగా తెలుగు రాష్ట్రాల్లో ఎంతో సేవ అందిస్తున్నాయి. లక్షలాది మందికి ప్రాణదానం చేస్తున్నాయి. అలాగే కరోనా కాలంలో ఆక్సిజన్ బ్యాంకులు కూడా ఏర్పాటు చేసి మానవత్వాన్ని చాటిచెప్పారు. నటుడిగా, సామాజిక సేవకుడిగా కేంద్రం ఆయన సేవలను గుర్తించి పద్మభూషణ్ తో పాటు తాజాగా పద్మవిభూషణ్ ప్రకటించింది.
చిరంజీవికి పద్మవిభూషణ్ రావడంతో తెలుగునేల పులకించిపోయింది. ప్రతీ తెలుగు బిడ్డ ప్రతీ ఒక్కరు తనకే పద్మవిభూషణ్ వచ్చిందా అనే సంతోషంతో మురిసిపోయారు. ఇక విదేశాల్లో ఎన్ఆర్ఐలు సైతం వేడుకలు ఘనంగా జరుపుకున్నారు. చిరంజీవికి పద్మవిభూషణ్ రావడంపై యూఎస్ లోని న్యూయార్క్ లోని టైమ్ స్క్వైర్ వద్ద ఎన్ఆర్ఐలు అందరూ కేక్ కట్ చేసి జై చిరంజీవా.. నినాదాలతో హోరెత్తించారు. చిరంజీవికి పద్మవిభూషణ్ రావడం తెలుగు జాతికే గర్వకారణమని వక్తలు హర్షం వ్యక్తం చేశారు.
All Images Courtesy by Dr. Shiva Kumar Anand
