Maharshi Radhava : చిరంజీవి బ్లడ్ బ్యాంకులో నటుడు మహర్షి రాఘవ వంద సార్లు రక్తదానం చేశారు. ఈ విషయం తెలిసిన మెగాస్టార్ చిరంజీవి, మహర్షిని కలుసుకుని ఘనంగా సన్మానించారు. ఈ సందర్భంగా చిరంజీవి మాట్లాడుతూ ‘నా బ్లడ్ బ్యంకులో మహర్షి 100వ సారి రక్తదానం చేశారు.
నాపై అభిమానంతో 1998 అక్టోబర్ 2న బ్లడ్ బ్యాంకు మొదలుపెట్టినప్పుడు మురళీమోహన్ రక్తదానం చేసిన తొలి వ్యక్తి అయితే, రెండవ వ్యక్తి మహర్షి రాఘవ. అప్పటి నుంచి క్రమం తప్పకుండా రక్తదానం చేసిన ఆయన ఎందరికో ఆదర్శం’ అని ప్రశంసించారు.
గత 26 ఏళ్లుగా లక్షలాది మందికి రక్తాన్ని ఉచితంగా దానం చేసి ఎందరో ప్రాణాలను నిలబెట్టిన చిరంజీవి బ్లడ్ బ్యాంకుకు ఓ ప్రత్యేకమైన గుర్తింపు ఉంది. బ్లడ్ బ్యాంకు వ్యవస్థాపకులు మెగాస్టార్ చిరంజీవి అయినా ఆయన అభిమానులు అండగా నిలుస్తున్నారు.