Mrugaraju : ఇండస్ట్రీలో మెగాస్టార్ కు ఉన్న క్రేజ్ మామూలుగా ఉండదు. వైవిధ్యమైన చిత్రాలకు పెట్టింది పేరు. ఆయన చేయని పాత్రలేదంటే అతిశయోక్తి కాదు. ఇండస్ట్రీలోకి ఎంట్రీ సమయంలో విలన్ పాత్రలను కూడా చేశాడు. తర్వాత హీరో.. ఇప్పుడు టాలీవుడ్ పెద్దన్న.. భారత సినిమాకు పెద్దన్న పాత్ర పోషిస్తున్నాడు.
మెగాస్టార్ తన కెరీర్ లో హిట్లనే కాదు.. ఫ్లాప్ లను కూడా చూశారు. అందులో ఒకటి ‘మృగరాజు’. భారీ అంచనాల మధ్య డిఫరెంట్ కథతో వచ్చిన సినిమా ఇది. కానీ మధ్యలోనే ఆగిపోయింది. ప్రేక్షకులను ఆకట్టుకోవడంలో ఇది విఫలమైంది. గుణశేఖర్ దర్శకత్వంలో వచ్చిన ఈ సినిమాపై ఫ్యాన్స్ బాగా ఆశలు పెట్టుకున్నారు. కానీ, అభిమానులను నిరాశపరిచింది. మృగరాజు హాలీవుడ్ సినిమాకు రీమేక్ గా నిలిచింది. అయితే ఈ సినిమాకు ముందు మరో హీరోను అనుకున్నారట.
మృగరాజులో చిరంజీవితో సిమ్రాన్ జతకట్టింది. సింహం, బ్రిడ్జి నేపథ్యంలో ఈ సినిమా తెరకెక్కింది. హాలీవుడ్ లో ఒక సినిమాకు రీమేక్ గా దీన్ని చిత్రీకరించారట దర్శకుడు ఈ మూవీ కోసం మరో స్టార్ హీరోను అనుకున్నారట. ఆయన ఎవరో కాదు మలయాళ స్టార్ హీరో మోహన్ లాల్. ఈ సినిమా మోహన్ లాల్ తో చేద్దామని అనుకున్నారట. కానీ చిరంజీవి ఫుల్ ఫామ్ లో ఉండడంతో ఆయననే కన్ఫమ్ చేశారట.
2001లో వచ్చిన యాక్షన్ అడ్వెంచర్ మృగరాజు. సిమ్రాన్ తో పాటు సంఘవి, నాగబాబు కూడా నటించారు. మణిశర్మ సంగీతం సమకూర్చాడు. దీన్నే ‘వెట్టక్కారన్’ పేరుతో తమిళంలోకి రీమేక్ చేయగా.. హిందీ వెర్షన్‌కు ‘రక్షక్’ టైటిల్ ఖరారు చేశారు. ఈ సినిమాను దేవీ పుత్రుడు, నరసింహ నాయుడుతో పాటు ఒకే రోజు విడుదల చేశారు. భారీ అంచనాల మధ్య, భారీ బడ్జెట్ తో ఈ సినిమా బాక్సాఫీస్ వద్ద డిజాస్టర్ గా నిలిచింది.
