Mota Mogiddam : చంద్రబాబు నాయుడు రిమాండ్ ఖైదీగా 20 రోజులుగా ఉండడంతో తెలుగుదేశం పార్టీ నాయకులు, అభిమానుల కోపం కట్టలు తెంచుకుంటుంది. వైఎస్ జగన్ ప్రభుత్వంపై జంగ్ సైరన్ మోగిస్తున్నారు.
చంద్రబాబును విడిపించేందుకు నారా లోకేశ్ తీవ్రంగా ప్రయత్నిస్తుండడంతో వైసీపీ ప్రభుత్వం ఆయనను కూడా జైలులో వేసేందుకు అన్ని ఏర్పాట్లు చేసింది. ఇన్నర్ రింగ్ రోడ్ కేసులో 41ఏ ముద్దాయిగా చేరుస్తూ అరెస్ట్ చేయాలని చూస్తోంది. అయితే ఆయన ప్రస్తుం ఢిల్లీలో ఉండగా.. ఏపీకి వస్తే ఏపీ సీఐడీ అరెస్ట్ చేసేందుకు అంతా సిద్ధం చేసింది. ఈ నేపథ్యంలో హై కోర్టులో నారా లోకేశ్ వేసిన ముందస్తు బెయిల్ ను కూడా కోర్టు కొట్టి వేస్తూ.. విచారణకు సహకరించాలని ఆదేశించింది.
ప్రస్తుతం పార్టీ బాధ్యత లోకేశ్ సతీమణి బ్రాహ్మణి తీసుకోనుంది. తన భర్త ఆపిన ‘యువగళం’ పాదయాత్రను ఆమె ప్రారంభించాలని అనుకుంటుంది. ఈ విధంగా జగన్ ప్రభుత్వం మరింత దూకుడుగా వ్యవహరిస్తున్నారు. చంద్రబాబు అరెస్ట్ ను వ్యతిరేకిస్తూ సెప్టెంబర్ 30వ తేదీ (శనివారం) ‘మోత మోగిద్దాం’ కార్యక్రమానికి ఆమె పిలుపునిచ్చారు.
చంద్రబాబు నాయుడికి మద్దతుగా శనివారం రాత్రి 7 గంటల నుంచి 7.05 గంటల వరకు 5 నిమిషాల పాటు జగన్ కర్ణబేరి అధిరేలా మోత మోగించాలని ఆంధ్రప్రదేశ్ లోని 5 కోట్ల మంది ప్రజలకు పిలుపునిచ్చారు. ఇంట్లో ఉన్నా.. ఆఫీస్ లో ఉన్నా.. రోడ్డుపై ఉన్నా 5 నిమిషాల పాటు చప్పుడు చేయాలని ఆమె పిలుపునిచ్చారు. ఇంట్లో ఉన్న వారైతే బయటకు వచ్చి ప్లేట్ పై గరిటతో, ఆఫీసులో ఉన్న వారు బయటకు వచ్చి విజిల్ వేయడం, రోడ్డుపై వాహనంలో ఉన్నవారు హారన్ కొట్టడం ఇలా ఏదైనా చేసి వీడియో తీసి సదరు వీడియోను సోషల్ మీడియాలోని ఆయా ప్లాట్ ఫారాల్లో అప్ లోడ్ చేయాలని ఆమె పిలుపునిచ్చారు. రాష్ట్ర అభివృద్ధిపై సీఎం జగన్ ను ఆమె X (ట్విటర్) ద్వారా ప్రశ్నించింది.
Why is AP working with an agenda to develop other states?@ncbn garu made us proud by making AP #1 in Skill Dev & Employability, Ease of Doing Business. Amara Raja to Lulu: How ‘push out, pull in’ factors are driving investors out of Andhra & into Telangana https://t.co/iGoMKVr8yw
— Brahmani Nara (@brahmaninara) September 29, 2023
