PRAJECT K : పాన్ ఇండియా స్టార్ ప్రభాస్ హీరోగా నాగ్ అశ్విన్ దర్శకత్వంలో రూపొందుతున్న సినిమా ప్రాజెక్టు కె. దీనికి సంబంధించిన ఫస్ట్ లుక్ విడుద చేశారు. దీనిపై ప్రేక్షకులు పెదవి విరుస్తున్నారు. వైజయంతీ మూవీస్ ఆధ్వర్యంలో తెరకెక్కుతున్న సినిమా ఫస్ట్ లుక్ ఇంత దైన్యంగా ఉందా అని నిట్టూరుస్తున్నారు. సోషల్ మీడియా వేదికగా విమర్శలు చేస్తున్నారు.
వైజయంతీ మూవీస్ అంటే మంచి పేరున్న సంస్థ అయినా ఇలాంటి సినిమాలు ఎందుకు తీస్తున్నారనే ప్రశ్నలు వస్తున్నాయి. ప్రభాస్ గెటప్ పై భిన్నమైన రీతిలో కామెంట్లు పెడుతున్నారు. ఇప్పటికే సాహో, రాధేశ్యామ్, ఆదిపురుష్ సినిమాలు బాక్సాఫీసు దగ్గర బోల్తా కొట్టడంతో ఈ సినిమాపై అంచనాలు భారీగానే ఉన్నా ఫస్ట్ లుక్ ప్రశ్నలు రేకెత్తిస్తోంది.
ఇందులో భారీ తారాగణం నటిస్తోంది. అమితాబ్ బచ్చన్ ఓ కీలక పాత్రలో నటిస్తున్నారు. కమల్ హాసన్ తొలిసారిగా విలన్ పాత్ర చేస్తున్నారు. దీపికా పదుకొనె హీరోయిన్ గా చేస్తోంది. వీరికే దాదాపు రూ. 200 కోట్ల బడ్జెట్ అవుతోంది. ఇక సినిమా వ్యయం అమాంతం పెరుగుతోంది. నిర్మాత అశ్వనీదత్ ఎక్కడ కూడా కాంప్రమైజ్ కాకుండా సినిమా తీస్తున్నా ఫస్ట్ లుక్ ఇంత దారుణంగా ఉండటం గమనార్హం.
ప్రభాస్ ఫస్ట్ లుక్ చూసిన సగటు ప్రేక్షకుడు ఆశ్చర్యానికి లోనయ్యాడు. ప్యాన్ మేడ్ లుక్ అని చెబుతున్నారు. ఎన్నో ఆశలు పెట్టుకున్న అభిమానుల ఆశల మీద వైజయంతీ మూవీస్ నీళ్లు చల్లినట్లుగా ఉందంటున్నారు. ప్రభాస్ తల ఉంది కానీ బాడీ ఎవరిది? అమర్ పేట ఎడిటింగా అని ప్రశ్నిస్తున్నారు. ఇలా ప్రభాస్ ఫస్ట్ లుక్ పై పలు విధాలా కామెంట్లు పెడుతున్నారు.