Charan's role is close to Pawan's role in Game Changer :
రాంచరణ్, శంకర్ కాంబినేషన్ లో వస్తున్న గేమ్ చేంజర్ లో చరణ్ పాత్ర విభిన్నంగా ఉంటుంది. అచ్చం పవన్ కల్యాణ్ నిజజీవితంలోని సంఘటనలకు దగ్గరగా ఉంటుందని చెబుతున్నారు. ఈ సినిమాపై శంకర్ కూడా చాలెంజ్ గా తీసుకున్నాడని తెలుస్తోంది. అందుకే సినిమా బ్లాక్ బస్టర్ గా నిలవాలని ప్లాన్ చేస్తున్నట్లు సమాచారం. ఇందులో భాగంగానే రాంచరణ్ లుక్స్ హైలెట్ గా నిలవనున్నాయి.
ఈ సినిమాలో చరణ్ ద్విపాత్రాభినయం చేస్తున్నారు. ఒక పాత్రలో గ్రామీణ యువకుడిగా మరో పాత్రలో సూపర్ స్టైలిష్ గా కనిపిస్తాడట. ఇలా చరణ్ పాత్రను అందంగా కనిపించడం కోసం శంకర్ అహర్నిషలు శ్రమిస్తున్నాడు. భారీ విజువల్స్ తో గ్లోబల్ ఆడియన్స్ ను టార్గెట్ చేస్తున్నాడు. చరణ్ రేంజ్ లో ఉండేలా జాగ్రత్తలు తీసుకుంటున్నాడు.
ఇప్పటికే ఆర్ఆర్ఆర్ సినిమాతో పాన్ ఇండియా స్టార్ అయిన రాంచరణ్ ను మరింత అందంగా చూపించడానికి సన్నాహాలు చేస్తున్నాడు. గేమ్ చేంజర్ తో మంచి హిట్ అందుకోవాలని ఆశిస్తున్నాడు. గత చిత్రాల మరకలు తొలగించి తొలినాళ్లలో చూపిన విజయాలను అందుకోవాలని చూస్తున్నాడు. దీనికోసం ఏర్పాట్లు చేసుకుంటున్నాడు.
గేమ్ చేంజర్ లో చరణ్ పాత్ర అచ్చం పవన్ కల్యాణ్ ను పోలి ఉంటుందని పరిశ్రమ వర్గాల టాక్. ఈ సినిమాపై మెగా ఫ్యాన్స్ భారీ అంచనాలు పెంచుకున్నారు. దర్శకుడు శంకర్ సినిమాను భారీగా ప్లాన్ చేస్తున్నాడని సమాచారం. సామాన్యులకు సైతం అర్థమయ్యే రీతిలో నిర్మించబోతున్నాడు. దీంతో చరణ్ ను మరోమారు వినూత్న శైలిలో చూపించేందుకు సిద్ధం అవుతున్నాడు.