Eega 2 coming : టాలీవుడ్ లోనే కాదు ఇండియన్ సినిమా దగ్గర టాప్ డైరెక్టర్ లిస్టులో మొదటిగా వినిపించే పేరు మన రాజమౌళి దే అని చెప్పడంలో ఎలాంటి సందేహం లేదు.. గత ఐదేళ్ల నుండి ఈయన టాప్ డైరెక్టర్ గా కొనసాగుతున్నాడు. ఎప్పుడైతే బాహుబలి పార్ట్ 1 పాన్ ఇండియా వ్యాప్తంగా భారీ రెస్పాన్స్ అందుకుందో అప్పటి నుండి ఈయన దేశంలోనే కాదు ప్రపంచ లోనే ఫేమస్ అయిపోయాడు.
ఈయన తన కెరీర్ లో కేవలం కొన్ని సినిమాలు మాత్రమే తెరకెక్కించాడు. కానీ ఆ సినిమాలతోనే ఈయన అగ్ర డైరెక్టర్ గా ఎదిగాడు.. కెరీర్ లో చేసిన సినిమాలన్నీ హిట్ అనే చెప్పాలి. ఇక గత రెండు సినిమాల నుండి ఈయన క్రేజ్ ఇండియా దాటి ప్రపంచ వ్యాప్తంగా కూడా పాకింది.. తన విజన్ తో జక్కన్న చెక్కిన బాహుబలి, ఆర్ఆర్ఆర్ వంటి ఎపిక్ సినిమాలు తెలుగు జాతికి గర్వకారణం అయ్యాయి.
ఇదిలా ఉండగా ఈయన ఇప్పటి వరకు సీక్వెల్స్ పై పెద్దగా ద్రుష్టి పెట్టలేదు.. కానీ ఇక ముందు పెట్టేట్టుగానే అనిపిస్తుంది. ఈ మధ్య ఈయన చెబుతున్న మాటల ప్రకారం ఈయన ద్రుష్టి సీక్వెల్స్ పైనే వెళుతుంది అని అనిపిస్తుంది. ఆర్ఆర్ఆర్ సినిమాకు రెండవ భాగం ఉంటుంది అని ఆ మధ్య హింట్ ఇవ్వగా దీని కంటే ముందే ఈగ 2 సినిమా తీస్తానని తెలిపాడు..
ఈగ 2 గురించి నాని కూడా ఆసక్తిగా ఎదురు చూస్తున్నాడు.. అతడికి కుదిరినప్పుడల్లా ఈగ 2 సర్ అంటూ గుర్తుచేస్తూనే ఉన్నాడు.. ఈగ అప్పట్లో చిన్న బడ్జెట్ తో విడుదల అయిన ఈసారి అలా కాకుండా భారీ బడ్జెట్ తో ఇంకా ప్రతిష్టాత్మకంగా తెరకెక్కించాలన్నది రాజమౌళి కోరిక అట.. అందుకే ఈ సినిమా సీక్వెల్ కథను ప్రత్యేకమైన టీమ్ తో రూపొందిస్తున్నట్టు సమాచారం.
మహేష్ సినిమా కంటే ముందే ఈ ఈగ సీక్వెల్ స్టార్ట్ చేయాలని అనుకున్న మహేష్ సినిమా దాదాపు 1500 కోట్లతో తయారయ్యే ప్రాజెక్ట్ కాబట్టి దీనిపై ఎక్కువ ఫోకస్ పెట్టడంతో ప్రస్తుతానికి ఈగ పక్కన పెట్టాడు.. ఇది అయితే కానీ ఈగ 2 వైపు చూడడు.