Mahesh-Rajamouli :
సూపర్ స్టార్ మహేష్ బాబుతో ఓ సినిమా తీయాలని దర్శకధీరుడు రాజమౌళి ఎప్పటి నుంచో ప్రయత్నాలు చేస్తున్నారు. అయితే వీరిద్దరి కాంబినేషన్ అనుకున్న ప్రతిసారీ ఏదో ఒక కారణం చేత వాయిదా పడుతూ వస్తోంది. అయితే ఎట్టకేలకు వీరిద్దరి కాంబోలో మూవీ రాబోతుందని మేకర్స్ ప్రకటించడంతో అభిమానులు ఖుషీగా ఉన్నారు.
అయితే మహేష్ బాబు దర్శకుడు త్రివిక్రమ్ కాంబినేషన్లో మూడో చిత్రంగా ‘గుంటూరుకారం’ తెరకెక్కుతోంది. ఈ మూవీ ప్రారంభం అయినప్పటికీ అనుకోని అవాంతరాలు వచ్చిపడుతున్నాయి. దీంతో ఈ సినిమా వాయిదా మీద వాయిదా పడుతూ వస్తోంది. ఈ మూవీ షూటింగ్ పూర్తయితే తప్ప మహేష్ బాబు రాజమౌళి చేసే అవకాశం లేదు.
రాజమౌళి సినిమాలో నటించే హీరోలను ఆయన ఒకటి రెండేళ్లపాటు లాక్ చేస్తుంటారు. గతంలో హీరో ప్రభాస్.. రాంచరణ్.. జూనియర్ ఎన్టీఆర్ సినిమాల విషయంలోనూ ఇదే జరిగింది. రాజమౌళి సినిమా అంటే కనీసం రెండు.. మూడేళ్లు పడుతుందని అందరికీ తెల్సిందే. ఇక ఆయన సినిమాల్లో నటించే హీరోలు ఆ సమయంలో మరే సినిమాలు చేయకుండా రాజమౌళి అగ్రిమెంట్ చేసుకుంటారనే టాక్ ఉంది.
టాలీవుడ్లో ఇప్పటివరకు అపజయం లేకుండా దర్శకుడు రాజమౌళి దూసుకెళ్తున్నాడు. ఆయన సినిమాలకు జాతీయ అవార్డులే కాకుండా ఆస్కార్ అవార్డులు సైతం దక్కాయి. దీంతో రాజమౌళి తదుపరి మూవీలపై అందరిలోనూ ఒకింత ఆసక్తి నెలకొంది. ఇదిలా ఉంటే ప్రస్తుతం రాజమౌళి జాతకంలో శని దశ నడుస్తుందని ఓ ప్రముఖ జ్యోతిష్యుడు చెప్పాడు.
ఈ సమయంలో రాజమౌళి సినిమాలు చేస్తే పెద్దగా కలిసి రాదని కూడా హింట్ ఇచ్చాడు. కొంతకాలం వెయిట్ చేస్తే సినిమా ఫలితం బాగుంటుందని రెమిడీ కూడా ఇచ్చాడు. ఈ జ్యోతిష్యాన్ని రాజమౌళి పెద్దగా నమ్మరు. అయినప్పటికీ రాజమౌళి.. మహేష్ కాంబో లేట్ అవుతూ వస్తోంది. ఈ సినిమా ఆలస్యం అవడం కూడా ఒకింత మంచిదేనని అభిమానులు చెబుతున్నారు. మహేష్ బాబు ‘గుంటూరుకారం’ ఇప్పట్లో పూర్తయ్యేలా కన్పించకపోవడంతో రాజమౌళి-మహేష్ సినిమా మరింత ఆలస్యమయ్యే అవకాశం కన్పిస్తోంది.