Mahesh Babu Next Movie : సినిమా ఇండస్ట్రీలో సక్సెస్ ఉంటేనే గుర్తింపు. లేదంటే ఎంత టాలెంట్ ఉన్నా అటు వైపు కన్నెత్తి కూడా చూడరు. తాజాగా ఓ యంగ్ డైరెక్టర్ తన టాలెంట్ ను చూపించుకొని సక్సెస్ కావడం టాలీవుడ్లో హాట్ టాపిక్ గా మారింది. అనుష్క శెట్టి.. నవీన్ పొలిశెట్టి కాంబినేషన్లో ‘మిస్ శెట్టి మిస్టర్ పోలిశెట్టి’ మూవీ ఇటీవల విడుదలైంది.
షారుఖ్ ‘జవాన్’ విడుదల రోజునే ‘మిస్ శెట్టి.. మిస్టర్ పోలిశెట్టి’ విడుదలైంది. జవాన్ మూవీకి పాజిటివ్ టాక్ రావడంతో సినిమా భారీ కలెక్షన్లు రాబడుతోంది. అయినప్పటికీ ‘మిస్ శెట్టి.. మిస్టర్ పోలిశెట్టి’ మూవీ ‘జవాన్’ ఎఫెక్ట్ తట్టుకొని డిసెంట్ టాక్ తో మంచి కలెక్షన్లను రాబోతుంది.
జవాన్ కారణంగా భారీ ఓపెనింగ్స్ మిస్ అయినప్పటికీ వీకెండ్స్ లో మాత్రం మంచి వసూళ్లను రాబోతుంది. ఓవర్సీస్ లో ఇప్పటికే హాఫ్ మిలియన్ దాటేసి వన్ మిలియన్ డాలర్ వైపు దూసుకెళుతోంది. దీంతో ఈ మూవీ దర్శకుడు మహేష్ బాబుపై అందరి దృష్టి నెలకొంది. దర్శకుడు మహేష్ బాబు గతంలో సందీప్ కిషన్ తో ‘రారా కృష్ణయ్య’ మూవీ చేశాడు. ఈ సినిమా పెద్దగా ఆడలేదు.
ఆ సినిమా తర్వాత కొంత గ్యాప్ తీసుకొని ఓ సెన్సిబుల్ కథతో యూవీ క్రియేషన్స్(యూవీ)ను అప్రోచ్ అయ్యాడు. ఆ తర్వాత అనుష్క శెట్టి.. నవీన్ పోలిశెట్టిలను తన కథతో ఒప్పించి సినిమా తీశాడు. వీర్య దానం కాన్సెప్ట్ ను క్లీన్ ఎంటర్టైనర్ గా తీర్చిదిద్ది అందరి ప్రశంసలను దక్కించుకున్నాడు.