Guntur Karam poster : సూపర్ స్టార్ మహేశ్ బాబు-త్రివిక్రమ్ శ్రీనివాస్ కాంబోలో సినిమా తెరకెక్కుతున్న విషయం తెలిసిందే. ఈ సినిమాకి ‘గుంటూరు కారం’ అనే టైటిల్ ఫిక్స్ చేసినట్టు తెలుస్తోంది. ఇందులో మహేశ్ బాబు ను ఇది వరకు ఎన్నడూ చూడని విధంగా మాస్ గా చూపిస్తున్నారు డైరెక్టర్ త్రివిక్రమ్ శ్రీనివాస్. ఈ నెల 31వ తేదీ సూపర్ స్టార్ కృష్ణ పుట్టిన రోజు సందర్భంగా మూవీకి సంబంధించిన టైటిల్, గ్లిమ్స్ వీడియో రిలీజ్ చేస్తున్నారు మేకర్స్.
‘గుంటూరు కారం’ మూవీకి సంబంధించి మాస్ పోస్టర్ ఒకటి రీసెంట్ గా రిలీజ్ చేశారు. దీనికి నెటిజన్లు, వ్యూవర్స్ నుంచి పాజిటివ్ రెస్పాన్స్ వచ్చింది. మహేశ్ కొంత కాలం నుంచి మెసేజ్ ఓరియెంటెడ్ సినిమాలు మాత్రమే చేస్తున్నాడు. ఈ సినిమాలతో తన ఫ్యాన్స్ కూడా బాగా విసుగెత్తిపోయారు, పోకిరి, బిజినెస్ మ్యాన్ లాంటి మాస్ మాస్ మూవీ కావాలని కోరుతూ వస్తున్నారు.
ఫ్యాన్స్ కోరికను పరిగణలోకి తీసుకున్న దర్శకుడు త్రివిక్రమ్ మహేశ్ ను ఫ్యాన్స్ ఎలా అయితే చూడాలనుకుంటున్నారో, అందుకు తగ్గట్లుగా ఊర మాస్ గా చూపించబోతున్నాడు. గ్లిమ్స్ వీడియోతోనే అందరికీ క్లారిటీ వచ్చేస్తుందని చిత్ర వర్గాలు పేర్కొంటున్నాయి. మిల్కీబాయ్ మాస్ ను మరోసారి ఫ్యాన్స్ తో పాటు ఆడియన్స్ కూడా ఎంజాయ్ చేసేందుకు సిద్ధంగా ఉన్నారు మరి.
త్రివిక్రమ్ శ్రీనివాస్ అంచనాలను అందుకుంటాడా లేదా అనేది మూవీ రిలీజ్ అయినంక చూడాలి మరి. ప్రస్తుతం కుటుంబంతో సహా వెకేషన్ లో ఉన్న మహేశ్ బాబు వచ్చే నెల మొదటి వారం నుంచి మరో షెడ్యూల్ లో ఆయన పాల్గొంటున్నట్లు మేకర్స్ తెలిపారు. జూన్ నుంచి విరామం లేకుండా రెండు నెలలు భారీ షెడ్యూల్ రూపొందించబడుతోంది. రీసెంట్ గా విడుదల చేసిన పోస్టర్ లో మాస్ లుక్ లో కనిపిస్తున్న మహేష్ బాబు స్టిల్ గ్లిమ్స్ వీడియో నుండి తీసిందట.