Love Marriage : ప్రేమకు కులాలు, మతాలు, ప్రాంతాల బేధాలు ఉండవు. ఇంకా చెప్పాలంటే అసలు వయస్సు కూడా పట్టించుకోదు ప్రేమ. దీన్ని ఒక పాక్ కుర్రాడు నిజం చేశాడు. 35 సంవత్సరాల పాకిస్తాన్ యువకుడు, 70 సంవత్సరాల వృద్ధురాలిని ప్రేమ వివాహం చేసుకున్నాడు. వీరిద్దరూ పెళ్లి చేసుకొని జీవితాంతం కలిసి ఉండాలని నిర్ణయించుకున్నారు. వివరాలు ఇలా ఉన్నాయి..
పాకిస్తాన్ కు చెందిన నయీమ్ షాజాద్ కు 35 సంవత్సరాలు, కెనడా దేశానికి చెందిన వృద్ధులు మేరీ కోమ్ కు 70 సంవత్సరాలు. అయితే వీరు ప్రేమ వివాహం చేసుకున్నారు. కానీ చాలా మంది షాజాద్ విసా కోసమే ఇలా చేశాడని అంటున్నారు. ఇలాంటి రూమర్లును ఈ జంట ఖండించింది. షాజాద్, మేరీ సోషల్ మీడియాలోని ఫేస్ బుక్ ద్వారా 2012లో కలిశారు. 2015లో మేరీ పెళ్లి చేసుకుందాం అని ప్రపోజ్ చేసింది. దీంతో ఆయన కూడా ఒకే అనడంతో 2017లో వీరు వివాహం చేసుకున్నారు. వీసా సమస్యతో కెనడాలో కలిసి జీవించలేకపోయారు. అయితే ఆమె ఇటీవల పాకిస్తాన్ ను సందర్శించగా షాజాద్ వద్ద 6 నెలల పాప ఉంది.
నయీమ్ షాజాద్ గతంలో ఆర్థికంగా, మానసికంగా చాలా ఇబ్బందులు ఎదుర్కొన్నాడు. ఈ సమయంలో మేరీ అతనికి అన్ని విధాలుగా సాయం చేసింది. ఇందులో ఆశ్చర్యం ఏంటంటే మేరీ ధనవంతురాలేమీ కాదు కేవలం పెన్షన్ డబ్బులే ఆమెకు ఆసరా. కెనడా వెళ్లేందుకు డబ్బు కోసమే షాజాద్ మెరీని వివాహం చేసుకున్నాడని ఆరోపణలు ఉన్నాయి. వీటన్నింటినీ ఈ జంట తోసిపుచ్చుతోంది. ఇలాంటి వాటిని పట్టించుకోమని చెప్తుంది. డీప్రెషన్ లో ఉన్న సమయంలో మేరీ తనను అన్ని విధాలుగా ఆదుకుంది అందుకే ఆమెను నేను వివాహం చేసుకున్నాను అని షాజాద్ చెప్పడం కొసమెరుపు.