పెళ్లంటే నూరేళ్ల పంటగా చెబుతారు. కాపురం చేసే కళ కాలు తొక్కేనాడే తెలుస్తుందని చెబుతారు. ఇలా వివాహం గురించి ఎన్నో విషయాలు ఉంటాయి. ఇల్లు కట్టి చూడు పెళ్లి చేసి చూడు అని కూడా అంటారు. ఇలా పెళ్లి అనే తంతులో ఎన్నో వైవిధ్యాలు దాగి ఉన్నాయి. అందుకే పెళ్లికి అంతటి ప్రాధాన్యం ఉంటుంది. పెళ్లి అనే బంధంతో రెండు జీవితాలు నూరేళ్లు కలిసుండే అద్భుతమైన పండుగలా అభివర్ణిస్తారు.
కాబోయే జీవిత భాగస్వామి గురించి అన్ని విషయాలు తెలుసుకుంటే మంచిది. ఒకరి అభిప్రాయాలు, అభిరుచులపై అవగాహన ఉంటే భవిష్యత్ లో ఎలాంటి ఇబ్బందులు రాకుండా ఉంటాయి. పెళ్లి తరువాత పుట్టే పిల్లల గురించి కూడా ఓ ప్రణాళిక ఉండాలి. వారిని పెంచే క్రమంలో కావాల్సిన ఆర్థిక వనరుల గురించి కూడా ఓ అవగాహన ఉంటే సరిపోతుంది.
జీవితంలో చేరుకునే లక్ష్యాలపై గురి ఉండాలి. కెరీర్ మనుగడకు ఇద్దరు ప్లాన్ చేసుకోవాలి. పెళ్లయిన తరువాత సొంత ఊళ్లో ఉండాలా? లేక ఇతర ప్రాంతాల్లో ఉపాధి కోసం సెటిల్ కావాలా? అనే దానిపై క్లారిటీ ఉండాలి. పెళ్లయిన కొత్తలో బాధ్యతలు స్వీకరించడానికి సిద్ధంగా ఉండాలి. పెళ్లికి ముందు అన్ని విషయాల పట్ల అవగాహనతో ఉంటే సమస్యలు రాకుండా ఉంటాయి.
పెళ్లయిన తరువాత ఎదురయ్యే ఇబ్బందుల గురించి ముందే ఓ అవగాహనకు వస్తే ముందు తిప్పలు రాకుండా జాగ్రత్త పడాలి. లేకపోతే కష్టాలు రావడం సహజం. అందుకే ఇద్దరి మధ్య అభిప్రాయ భేదాలు రాకుండా చేసుకునేందుకు చొరవ తీసుకుంటే ఇబ్బందులు లేకుండా సంసారం హాయిగా సాగిపోతుందని చెబుతున్నారు. దీనికి అందరు సిద్ధంగా ఉండాల్సిందే మరి..!