Sunny Deol : రణ్‌బీర్ కపూర్ హీరోగా, రష్మిక మందాన హీరోయిన్‌గా నటించిన చిత్రం ‘యానిమల్’. ఈ చిత్రానికి సందీప్ రెడ్డి వంగా దర్శకత్వం వహించారు. పాన్ ఇండియా మూవీగా ఇది తెరకెక్కింది. వైల్డ్ కంటెంట్‌తో జనాల్లో విపరీతమైన క్రేజ్ క్రియేట్ చేసింది. ఎవరి ఊహకు అందని ట్విస్టులతో కథనం సాగుతుంది. భారీ అంచనాల మధ్య విడుదలై బాక్సాఫీస్ వద్ద మంచి బెస్ట్ పర్ఫార్మెన్స్ కనబరిచింది. కొన్ని రోజుల్లో వెయ్యి కోట్ల క్లబ్బులో చేరనున్నది. అలాంటి ఈ సినిమాలోని కొన్ని సీన్లపై సర్వత్రా విమర్శలు వినిపిస్తున్నాయి.
ఈ చిత్రంలో బాబీ డియోల్ ప్రతినాయకుడి పాత్ర పోషించాడు. ఆయన పాత్రకు ప్రేక్షకుల నుంచి మంచి రెస్పాన్స్ వచ్చింది. ఇదిలా ఉండగా బాబీ నటనపై ఆయన సోదరుడు సన్నీ చేసిన కామెంట్లు వైరలవుతున్నాయి. గదర్-2 విజయంతో జోరుమీదున్న సన్నీ డియోల్, రణబీర్ కపూర్ హీరోగా, బాబీ డియోల్ విలన్‌గా నటించిన చిత్రం గురించి ఆసక్తికర కామెంట్లు చేశాడు. యానిమల్‌లోని కొన్ని అంశాలు తనకు నచ్చలేదని చెప్పాడు. దీనికి తోడు సన్నీ డియోల్ తన సొంత సినిమాల గురించి కూడా కొన్ని విషయాలు తనకు నచ్చవన్నాడు. ఏదైనా ఒకదాన్ని ఇష్టపడడానికి లేదా ఇష్టపడకపోవడానికి తనకు హక్కు ఉందని ఆయన స్పష్టం చేశారు. అయితే సన్నీ డియోల్ మాత్రం ఈ సినిమా తనకు బాగా నచ్చిందని చెప్పుకొచ్చాడు.
ఇందులో కుటుంబ బంధాలు, కుటుంబ సభ్యుడే కుటుంబాన్ని అంతం చేయాలని చూడడం వంటి ఎమోషనల్ సన్నివేశాలు ఎన్నో ఉన్నాయని, యాక్షన్ డ్రామాగా ఈ మూవీని చెప్పుకొవచ్చన్నాడు. సన్నీ డియోల్ మాత్రం తన సోదరుడు బాబీ డియోల్ గురించి పలు విషయాలు వెల్లడించారు. ఈ సినిమా తన సోదరుడు చేయడంతో చాలా సంతోషంగా ఉన్నానని, అతను తన నటనతో ఈ ప్రపంచాన్ని కదిలించాడని చెప్పారు. ఈ సినిమా మరిన్ని కలెక్షన్లు సాధించాలని ఆకాంక్షించాడు.
