Tricks to Stomach Bloating : మనలో చాలా మందికి పొట్ట ఉబ్బరం సమస్య వేధిస్తుంది. ఏం తిన్నా జీర్ణం కానట్లు అసౌకర్యంగా అనిపిస్తుంది. పొట్ట ఉబ్బరంతో సమస్యలు ఎదుర్కొంటారు. పీచు పదార్థాలు, ద్రవాహారం సరిగా తీసుకోకపోవడం వల్ల మలబద్ధకం సమస్య ఏర్పడుతుంది. పొట్ట ఉబ్బరంగా మారుతుంది. ఈ సమస్య ఉంటే ధాన్యాలు, పండ్లు, కూరగాయలు ఎక్కువగా తీసుకోవాలి.
అన్నం తినేటప్పుడు తొందరపడకూడదు. మెల్లగా నమిలి తినాలి. ఇలా తింటే మనం తిన్నవి తొందరగా జీర్ణం అవుతాయి. దీంతో పొట్ట ఉబ్బరం సమస్య రాకుండా ఉంటుంది. పదార్థాలను సరిగా నమిలి తినడం ద్వారా అవి తొందరగా అరుగుతాయి. దీని వల్ల పొట్టపై ఒత్తిడి ఉందు. జీర్ణం తేలిక అవుతుంది. ఫలితంగా పొట్ట ఉబ్బరం వంటి సమస్యలు నిరోధానికి సాయపడుతుంది.
పెరుగు, పులియబెట్టిన పదార్థాలు, మజ్జిగ, ఛీజ్ లాంటి వాటిని మన ఆహారంలో చేర్చుకుంటే మంచి ఫలితాలు ఉంటాయి. పెప్పర్, అల్లం టీ, అనాస ముక్కలు, ఆకుకూరలు తింటే కడుపు ఉబ్బరం దూరం చేస్తుంది. రాత్రిపూట ఆలస్యంగా తినడం, లేటుగా నిద్రపోవడం వల్ల మనం తిన్న ఆహారాలు జీర్ణం కావు. భోజనం రాత్రి 8 గంటల లోపే చేసేస్తే మంచిది.
రాత్రి 8 గంటలు హాయిగా నిద్రపోవడం వల్ల హాయి కలుగుతుంది. ఆకలి అదుపులో ఉంటుంది. జీర్ణ వ్యవస్థ సరిగా పనిచేస్తుంది. పొట్ట ఉబ్బరం ఇబ్బందులు రావు. ఇలా మన రోజువారీ అలవాట్లలో మార్పులు చేసుకుంటే పొట్ట ఉబ్బరం వేధించదు. ఫలితంగా కడుపు ఉబ్బరం సమస్య నుంచి ఉపశమనం లభిస్తుంది. దీంతో మనకు సౌకర్యంగా ఉంటుంది.
