అండర్ 19 కెప్టెన్ గా 2008లో దేశానికి వరల్డ్ కప్ అందించిన కోహ్లి కొన్నాళ్లకే జాతీయ జట్టులోకి అడుగుపెట్టాడు. ఫార్మాట్ ఏదైనా పరుగుల వరద పారించడమే అతడికి తెలిసిన విద్య. గౌతమ్ గంభీర్ తో కలిసి ఓపెనింగ్ చేసిన కోహ్లి 12 పరుగులు మాత్రమే చేశాడు. అలా తన క్రికెట్ ప్రయాణాన్ని కొనసాగించిన కోహ్లి ఎన్నో ఆటుపోట్లు ఎదుర్కొన్నాడు.
ఇప్పటివరకు అంతర్జాతీయ క్రికెట్లో 275 వన్డేలు, 111 టెస్టులు, 115 టీ20లు ఆడాడు. టెస్టుల్లో 8676, వన్డేల్లో 12,898, టీ20ల్లో 4008 పరుగులు చేశాడు. అత్యధికంగా వన్డేల్లో 46 శతకాలు చేయడం గమనార్హం. టెస్టుల్లో 26, టీ20ల్లో ఒక అంతర్జాతీయ సెంచరీ నమోదు చేశాడు. అంతర్జాతీయ క్రికెట్లో అత్యధిక సెంచరీలు చేసిన ఘనత అతడి సొంతం.
టీ20 క్రికెట్ చరిత్రలో అత్యధిక పరుగులు చేసింది కోహ్లి. ఎక్కువసార్లు ప్లేయర్ ఆఫ్ ది సిరీస్ అవార్డులు గెలుచుకున్న ఆటగాడిగా గుర్తింపు. వన్డేల్లో అత్యధిక సంఖ్యలో క్యాచ్ లు (142) పట్టిన రికార్డు అతడి సొంతం. విరాట్ కోహ్లి పదిహేనేళ్ల కాలంలో చాలా రికార్డులు బద్దలు కొట్టాడు. క్రికెటర్లకు ఆదర్శప్రాయంగా నిలిచి ఎందరికో ఆదర్శంగా మారాడు.