తెలంగాణ బతుకమ్మ పాట అంటే ఒకప్పుడు తెలంగాణలో మాత్రమే ఫేమస్ కానీ ఇప్పుడు దేశంలోనే కాదు ప్రపంచవ్యాప్తంగా కూడా తెలంగాణ బతుకమ్మ పాటలు , ఆటలు ఫేమస్ అయ్యాయి. తెలంగాణ రాష్ట్ర పోరాటం కోసం బతుకమ్మ పాటలను ఆయుధంగా మలుచుకున్నారు తెలంగాణ ఉద్యమ కారులు. కట్ చేస్తే ఇప్పడు బతుకమ్మ ఆట పాటలను అవహేళన చేసిన వాళ్లే బతుకమ్మ పాటలను నెత్తిన పెట్టుకుంటున్నారు. ఇప్పుడు ఈ ఉపోద్ఘాతం అంతా ఎందుకంటే బాలీవుడ్ కండల వీరుడు సల్మాన్ ఖాన్ హీరోగా నటిస్తున్న తాజా చిత్రంలో బతుకమ్మ పాటను పెట్టారు మరి.
సల్మాన్ ఖాన్ తాజాగా కిసీ కా భాయ్ కిసీ కా జాన్ అనే బాలీవుడ్ చిత్రంలో నటిస్తున్నాడు. హీరోయిన్ గా పూజా హెగ్డే నటిస్తోంది. ఇక ఈ సినిమాలో మరో విశేషం ఏంటంటే విక్టరీ వెంకటేష్ కూడా నటిస్తుండటం. సల్మాన్ ఖాన్ , వెంకటేష్ ఇద్దరు కూడా మంచి స్నేహితులు కావడంతో స్పెషల్ అప్పియరెన్స్ ఇవ్వడానికి ఒప్పుకున్నాడు వెంకీ. ఈ సినిమాలో తెలంగాణ బతుకమ్మ పాటను అద్భుతంగా చిత్రీకరించారట. ఈ విషయాన్ని ఎవరో చెప్పడం కాదు…… స్వయంగా హీరో సల్మాన్ ఖాన్ వెల్లడించాడు. దాంతో ఈ వార్త సంచలనంగా మారింది.
తమిళ్ లో విజయం సాధించిన వీరమ్ చిత్రాన్ని హిందీలో కిసీ మా భాయ్ కిసీ కా జాన్ అనే టైటిల్ తో రీమేక్ చేస్తున్నారు. ఈ సినిమా ఈ ఏడాది ఏప్రిల్ లోనే విడుదల కానుంది. 21 ఏప్రిల్ 2023 న విడుదల చేయడానికి సన్నాహాలు చేస్తున్నారు. ఫర్హాద్ శమ్ జీ ఈ చిత్రానికి దర్శకత్వం వహిస్తున్నాడు.