Mega fans టాలీవుడ్ లో మెగాస్టార్ చిరంజీవి, పవర్ స్టార్ పవన్ కల్యాణ్‌ కు ఉన్న ఇమేజ్ అంతా ఇంతా కాదు. వీరిద్దరిదీ సెపరేట్ ఫ్యాన్ బేస్. ఇప్పుడు ఇద్దరూ తమ సినిమాల్లో బిజీగా ఉంటున్నారు. చిరంజీవి ఈ వయసులో కూడా కుర్రహీరోల కంటే స్పీడుగా సినిమాలను తీసేస్తున్నారు. ఆయన తీస్తున్న సినిమాలు వరుసగా హిట్ అవ్వడం ఇంకో విశేషం.
ఇప్పుడు స్టార్ హీరోలు రెండేళ్లకు ఒక్క సినిమా తీస్తున్నారు. కానీ చిరంజీవి మాత్రం ఒక ఏడాదికి రెండు నుంచి మూడు సినిమాలు రిలీజ్ చేస్తూ దూసుకుపోతున్నారు. ఇక ఆయన ప్రస్తుతం నటిస్తున్న మూవీ భోళా శంకర్. మెహర్ రమేశ్ దర్శకత్వంలో వచ్చిన ఈ సినిమాలో తమన్నా, కీర్తి సురేష్‌, సుశాంత్ నటిస్తున్నారు.
అయితే చిరు లీక్స్ పేరుతో చిరంజీవి ఎప్పటికప్పుడు తన సినిమాల గురించి కొన్ని ఇంట్రెస్టింగ్ విషయాలను చెప్పేస్తుంటారు. తాజాగా మరో లీక్ వదిలారు. ఇందులో ఆయన మాట్లాడుతూ.. నేను భోళా శంకర్ సినిమాలో పవన్ కల్యాణ్‌ ను ఇమిటేట్ చేస్తున్నాను. పవన్ తన సినిమాల్లో నా పాటలు, డైలాగులు ఇమిటేట్ చేస్తుంటాడు.
కాబట్టి ఈ సారి నేను పవన్ మేనరిజాన్ని ఇమిటేట్ చేయబోతున్నాను. పవన్ కల్యాణ్‌ గురించి ఈ సినిమాలో చాలానే స్టఫ్ ఉంది. ఇది అభిమానులకు మంచి ఎనర్జీ ఇస్తుంది అంటూ తెలిపాడు చిరంజీవి. దీంతో ఈ వీడియో చూసిన మెగా, పవర్ ఫ్యాన్స్ ఖుషీ అవుతున్నారు. పవన్ ను చిరు ఇమిటేట్ చేయడం పండగలాంటిదే అంటున్నారు. ఈ మూవీ షూటింగ్ శరవేగంగా జరుపుకుంటున్నారు. ఆగస్టు 11న సినిమాను రిలీజ్ చేయబోతున్నారు.
