సుడిగాలి సుధీర్ ఈ పేరు వింటే చాలు… ఫేస్ లో స్మైల్ ఆటోమెటిక్ గా వచ్చేస్తోంది. గాలోడు ఫ్రేం లో కనిపిస్తే చాలు చూసేందుకు రెండు కళ్లు సరిపోవు. స్మాల్ స్క్రీన్ గా మెగాస్టార్ గా వెలిగిపోయాడు మనోడు. మ్యాజిక్‌ ఆర్టిస్ట్‌గా జీవితాన్ని ప్రారంభించి హీరో స్థాయికి ఎదిగారు. బుల్లితెరపై ఆయన చేసిన సందడి అంతా ఇంతా కాదు. తన పేరుకు ముందు సుడిగాలి అని నిక్ నేమ్ పెట్టుకున్నాక వచ్చిన క్రేజ్ నెక్ట్స్ లెవల్ అనే చెప్పాలి. రీసెంట్ గా బుల్లితెరకు బ్రేక్ ఇచ్చి వెండితెరపై వెలుగుతోన్న సుధీర్ పై చక్కర్లు కొడుతోన్న ఇంట్రెస్టింగ్ సెన్సేషన్ గా మారింది.
అదేంటే… సుధీర్ త్వరలో పెళ్లిపీఠలెక్కబోతున్నారట. ఈ క్రేజీ గాసిప్ వెనక చాలా కారణాలే ఉన్నాయని న్యూస్ హాట్ టాపిక్ గా మారింది. మోస్ట్ ఎలిజిబుల్ బ్యాచిలర్ గా ఉన్న సుధీర్ పెళ్లిపై ఇప్పటికే చాలా రూమార్లు వినిపించాయి. రష్మీ సుధీర్ లవ్ ట్రాక్ నడుస్తోందని… అందుకే పెళ్లిచేసుకోలేదని కొన్నేళ్లు గాసిప్స్ నడించాయి. అయితే ఇద్దరూ పెళ్లి వార్తలను ఖండించడంతో పాటు మంచి ఫ్రెండ్స్ అంటూ క్లారిటి ఇచ్చారు. అయితే రీసెంట్ గా సుధీర్ పెళ్లి వార్తలు మళ్లీ తెరపైకి రావడం హాట్ టాపిక్ గా మారింది.
బుల్లితెర సర్కిల్ లో వినిపిస్తున్న ప్రకారం.. సుధీర్ త్వరలో ఓ ఇంటి వాడు కాబోతున్నాడన్న న్యూస్ సోషల్ మీడియాను ఊపేస్తోంది. సుధీర్ పెళ్లి మ్యాటర్ తెరపైకి రాగానే… అమ్మాయి ఎవరనే ఉత్కంఠ అందరిలో నెలకొంది. అయితే సుధీర్ బంధువుల అమ్మాయిని వివాహం చేసుకోబోతున్నాడట. వరసకు మరదలు అవుతుందట. ఆమె ఇంజినీరింగ్ చదువుకుందని తెలుస్తోంది.అంతేకాక అమ్మాయి కూడా సుధీర్ కు బాగా నచ్చి ఓకే కూడా చెప్పేసినట్లు తెలుస్తోంది. దీంతో ఇరుకుటుంబసభ్యులు త్వరలో పెళ్లి చేయాలని నిర్ణయించుకున్నాడట. అయితే పెళ్లి డేట్స్ ఎప్పుడో తెలియదు కానీ ఈ ఏడాదిలోనే వివాహం చేయాలని ఫిక్స్ అయ్యారట. మొత్తానికి అభిమానులు ఆశపడుతున్నట్లు తర్వలో సుధీర్ ఇంట పెళ్లి సంబరాలు మొదలు కానున్నాయి. మరి ఈ వార్తలో నిజమెంతో తెలియాలంటే..మరికొన్ని రోజులు ఆగాల్సిందే.
