మెగా మేనల్లుడు సాయిధరమ్ తేజ్ హీరోగా నటించిన చిత్రం ” విరూపాక్ష ”. ఈ చిత్రం ఈరోజు ప్రేక్షకుల ముందుకు వచ్చింది. ఓవర్ సీస్ లో అలాగే ఇతర ప్రాంతాల్లో కూడా షోలు పూర్తి కావడంతో ట్విట్టర్ లో తమ తమ అభిప్రాయాలను వెల్లడిస్తున్నారు నెటిజన్లు. ఒకవైపు సినిమా చూస్తూనే మరోవైపు సెల్ ఫోన్ లో ఈ సినిమా ఎలా ఉంది …. ఏ సన్నివేశం ఎలా ఉంది అనే విషయాన్నీ పోస్ట్ చేస్తూనే ఉన్నారు.
ఇప్పటి వరకు వినిపిస్తున్న కథనం ప్రకారం అయితే పాజిటివ్ టాక్ అనే చెప్పాలి. విరూపాక్ష కు డివైడ్ టాక్ అయితే లేదు అలాగని బ్లాక్ బస్టర్ టాక్ కూడా లేదు. అయితే పాజిటివ్ టాక్ ఉంది కాబట్టి తప్పకుండా హిట్ జోన్ లో నిలవడం ఖాయమని భావిస్తున్నారు. కాకపోతే లవ్ ట్రాక్ ఆశించిన స్థాయిలో లేదట. అలాగే కాస్త స్లో నరేషన్ ఉంది అని అంటున్నారు.
సాయిధరమ్ తేజ్ కు యాక్సిడెంట్ అయ్యాక చేసిన మొదటి సినిమా కాబట్టి ఈ సినిమా పై సాయిధరమ్ తేజ్ తో పాటుగా మెగా అభిమానులు కూడా ఎన్నో ఆశలు పెట్టుకున్నారు. సాయిధరమ్ తేజ్ హీరోగా నటించగా సంయుక్త మీనన్ హీరోయిన్ గా నటించింది. ఇక మరో విశేషం ఏంటంటే ఈ సినిమాకు స్క్రీన్ ప్లే లో దర్శకులు సుకుమార్ సహకారం అందించడం. ట్విట్టర్ రివ్యూ ఇలా ఉండగా అసలైన తీర్పు తెలుగు ప్రేక్షకులు కొద్దిసేపట్లోనే ఇవ్వనున్నారు.