Samuthirakani పవన్ కళ్యాణ్ ఇటు సినిమాలు, అటు రాజకీయాలను సమానంగా చూసుకుంటూ ముందుకెళ్తున్నారు. ఇటీవల ఆయన చేసిన ‘బ్రో: ది అవతార్’ ప్రేక్షకుల మందుకు వచ్చింది. ఇది తమిళ మూవీ ‘వినోదయం సీతం’కు రీమేక్ అని అందరికీ తెలిసిందే. ప్రస్తుతం బాక్సాఫీస్ వద్ద భారీ హిట్ ఇచ్చిన ఈ మూవీ భారీ కలెక్షన్లను కూడా దక్కించుకొని ముందుకు వెళ్తుంది. మేగా మేనల్లుడు సాయి ధరమ్ తేజ్ తో కలిసి పవన్ కళ్యాణ్ ఈ సినిమాలో నటించారు.
దర్శకుడు సముద్రఖని ఈ సినిమాకు దర్శకత్వం వహించారు. వినోదయం సీతంకు కూడా ఆయనే దర్శకుడిగా ఉన్నారు. అయితే, ఈ సినిమాకు ముందు మరో టైటిల్ అనుకున్నారట డైరెక్టర్. అదే ‘కాల పురుషుడు’. ఈ టైటిల్ వింటున్నప్పుడు మాస్ గా బాగానే ఉన్నా.. కథ విషయంలో జనాల్లోకి తప్పుగా వెళ్తుందని భావించారట. సరైన టైటిల్ కోసం చూడగా డైరెక్టర్ త్రివిక్రమ్ ‘బ్రో’ బాగుంటుందని చెప్పారట. ఇక అందుకే బ్రో ఫిక్స్ చేశాం. కానీ తాను అనుకున్న టైటిల్ అర్థం వచ్చేట్టు ‘ది అవతార్’ ట్యాగ్ లైన్ గా తీసుకున్నాం.
బ్రో రీమేక్ కాగా ఒరిజినల్ వెర్షన్ లో సముద్రఖని దర్శకత్వంతో పాటు నటించారు కూడా. ఇక రీమేక్ లో నటించకున్నా దర్శకత్వ బాధ్యతలు తీసుకున్నారు. ఇక స్క్రీన్ ప్లే, డైలాగ్స్ మాత్రం త్రివిక్రమ్ చూసుకున్నాడు. ఇక పవన్ కళ్యాణ్ కు మెగా మేనల్లుడు తేజ్ తోడవడంతో కథ మరింత పవర్ ఫుల్ గా మారింది. ఇక ఈ మూవీ ఓటీటీ స్ట్రీమింగ్ పై ఆసక్తికరమైన వార్త నెట్టింట్లో చక్కర్లు కొడుతుంది. సెప్టెంబర్ 2న పవన్ కళ్యాణ్ పుట్టిన రోజు కాబట్టి ఆరోజు ఓటీటీ రిలీజ్ చేయాలని మేకర్స్ భావిస్తున్నట్లు తెలుస్తోంది.
