Renu Desai : పవర్ స్టార్ పవన్ కల్యాణ్ అంటే అందరికి అభిమానమే. ఆయనకున్న ఫ్యాన్స్ క్రేజీ అంతా ఇంత కాదు. అందుకే ఆయన సినిమాలు చూడటానికి అభిమానులు ఎగబడుతుంటారు. పవన్ రెండో భార్య రేణు దేశాయ్. బద్రి సినిమాలో వీరిద్దరు కలిసి నటించి తరువాత ఒక్కటయ్యారు. తరువాత ఆమెను విడిచిపెట్టి మూడో వివాహం చేసుకున్నారు పవన్ కల్యాణ్.
ప్రస్తుతం రేణు దేశాయ్ ఒంటరిగానే ఉంటోంది. తన ఇద్దరు పిల్లలతో కలిసి ఫుణేలో జీవిస్తోంది. పవన్ కల్యాణ్ చేసుకున్నట్లే రేణు కూడా రెండో వివాహం చేసుకోవాలని అనుకుంది. కానీ నెటిజన్లు ఆమెపై దుష్ర్పచారం చేశారు. పవన్ భార్య మరో పెళ్లి చేసుకోవడమా? అనే కోణంలో సెటైర్లు వేశారు. దానికి ఆమె కూడా సరిగానే స్పందించింది. మీ హీరో అయితే చేసుకోవచ్చు. నేనైతే చేసుకోవద్దా? ఇదెక్కడి న్యాయమని ప్రశ్నించింది.
కాగా, ఇటీవల సోషల్ మీడియాలో ఓ వీడియోను షేర్ చేసింది. తన చేతి మీద ఉన్న టాటూను తన ఇన్ స్టాగ్రామ్ లో పోస్ట్ చేసింది. కొన్ని సార్లు పదాల కంటే చిత్రాలు బిగ్గరగా మాట్లాడుతాయని ఆ ఫొటోకు క్యాప్షన్ రాసింది. దీనికి ‘ఎలక్షన్ 2024’ అనే హ్యాష్ ట్యాగ్ ను జత చేసింది. రేణు దేశాయ్ తన చేతిపై బీజేపీ గుర్తు వేయించుకోవడంతో ఆమె ఆ పార్టీకి మద్దతుగా ఈ పోస్ట్ చేసిందని నెటిజన్లు అభిప్రాయపడుతున్నారు.
ఇప్పుడు ఆమె రాజకీయాల్లో కూడా తన ఆలోచనలు పంచుకుంటోంది. హైదరాబాద్ నియోజకవర్గ అభ్యర్థి మాధవీలత ధైర్యాన్ని ప్రశంసిస్తున్నారు. ఇటీవల కాలంలో నేను చూసిన మంచిమనిషి మాధవీలత అని కొనియాడుతున్నారు. అంటే పరోక్షంగా ఆమె బీజేపీకి మద్దతు ఇస్తోందని తెలుస్తోంది. దీనిపై కూడా పలువురు విమర్శలు చేస్తున్నారు.
ఆమె బీజేపీకి మద్దతు ఇస్తే తన మాజీ భర్తకే ఇవ్వొచ్చు కదా. ఏపీలో పవన్ కల్యాణ్ బీజేపీతోనే పొత్తు పెట్టుకున్నారు కదా అని నెటిజన్లు అంటున్నారు. తనకు ఎవరు డబ్బులు ఇవ్వలేదని తాను సహజంగానే మాధవీలత గుణం గురించి తెలుసుకునే మాట్లాడుతున్నానని తెలిపారు. ఆమె అంటే ఎందుకో అభిమానం ఏర్పడింది. అందుకే ఆమె గురించి చెబుతున్నానంది.