Baby ఎలాంటి అంచనాలు లేకుండా విడుదల అయ్యి రిలీజ్ తర్వాత ఎన్నో రికార్డులను తన ఖాతాలో వేసుకుంటూ మొదటి వారం కంటే మరింత ఎక్కువగా రెండవ వారం కలెక్షన్స్ రాబట్టిన లేటెస్ట్ బ్లాక్ బస్టర్ మూవీ ‘బేబీ’.. ఈ సినిమా ఏ రేంజ్ లో సక్సెస్ సాధించిందో ప్రత్యేకంగా చెప్పాల్సిన పని లేదు..
చిన్న సినిమాగా వచ్చి సంచలన విజయం సాధించిన బేబీ గురించే అందరు ఇప్పుడు మాట్లాడు కుంటున్నారు. ఈ సినిమా ఎన్ని రికార్డులను క్రియేట్ చేస్తుందో ప్రత్యేకంగా చెప్పాల్సిన పని లేదు. యంగ్ డైరెక్టర్ సాయి రాజేష్ తెరకెక్కించిన ‘బేబీ’ సినిమా ఇప్పుడు నిత్యం వార్తల్లో నిలుస్తుంది.. జులై 14న గ్రాండ్ గా ఈ సినిమా రిలీజ్ అవ్వగా ఫస్ట్ షోతోనే మంచి హిట్ టాక్ తెచ్చుకుంది.
ప్రేమ కథగా తెరకెక్కిన ఈ సినిమాలో ఆనంద్ దేవరకొండ, వైష్ణవి చైతన్య, విరాజ్ అశ్విన్ కీ రోల్స్ పోషించారు. ఈ సినిమా ఇంత సక్సెస్ కావడంతో మేకర్స్ భారీ సక్సెస్ మీట్ ను ఏర్పాటు చేసారు.. ఇక ఈ ఈవెంట్ కు ముఖ్యఅతిథిగా చిరంజీవి వెళ్లారు. అయితే ఈ సినిమా సక్సెస్ ఈవెంట్ కాస్త చిరు రాకతో చిరు అభినందన సభలా మారిపోయింది..
ఈ సక్సెస్ మీట్ లో వేదిక ఎక్కినా ప్రతీ ఒక్కరు చిరంజీవి నా స్ఫూర్తి అంటూ పాఠం అందుకున్నారు.. ప్రతీ ఒక్కరూ ఆయనను పొగుడుతూ చిరు అభినందన సభలా మార్చేశారు. ఎవరైనా చిరును స్ఫూర్తిగా తీసుకోవడంలో తప్పు లేదు.. కాకపోతే ఆయన ఎదురుగ కనిపించేసరికి ఈ పొగడ్తల కార్యక్రమం కాస్త శృతి మించినట్టు చూసేవారికి అనిపించింది. ఇక ఈ వేదికపై చిరు కూడా ఈ సినిమాలో వైష్ణవి, విరాజ్, ఆనంద్ నటనను మెచ్చుకున్నారు.
