The Real Match Winner : ప్రపంచకప్ 2023లో టీమిండియా వరుస విజయాల వెనుక ఓ ఆటగాడు ఉన్నాడు. కానీ అనుకన్న స్థాయి ఆదరణ మాత్రం ఆయనకు దక్కడం లేదు. ఇప్పటివరకు 8 మ్యాచులు ఆడిన టీమిండియా అన్నింట్లోనూ గెలిచింది. తాజాగా దక్షిణాఫ్రికా మీద కూడా తిరుగులేని విజయాన్ని అందుకుంది. కొల్ కతా వేదికగా ఆదివారం జరిగిన ఈ మ్యాచ్ లో 243 పరుగుల తేడాతో విజయం సాధించింది. ఇక 16 పాయింట్లతో అగ్రస్థానంలో కొనసాగుతున్నది. అయితే ఈ మ్యాచ్లో కోహ్లీ చేసిన సెంచరీ కీలకం. అయితే బర్త్ డే బాయ్ గా కోహ్లీని అందరూ ఆకాశానికి ఎత్తేశారు.
అయితే మరో కీలక ఆటగాడికి మాత్రం ఈ ప్రశంసలు కరువయ్యాయి. జట్టు కోసం మందునుంచి ఎంతో చేస్తున్న కెప్టెన్ రోహిత్ శర్మ కు కూడా ఈ అభినందనల్లో వాటా దక్కాల్సి ఉంది. అన్ని మ్యాచుల్లో నూ భారీ ఓపెనింగ్ ను అందిస్తున్నది రోహితే. ఒక్క మొదటి మ్యాచ్ ఆస్ర్టేలియాతో విఫలమైనా అన్నింట్లో రాణించాడు. అఫ్గాన్ మ్యాచ్ లో సెంచరీ చేశాడు. ఇక ఆ తర్వాత అన్ని మ్యాచుల్లో ప్రత్యర్థులను ప్రారంభంలోనే చిక్కుల్లో పడేసేలా చెలరేగాడు. పర్సనల్ రికార్డుల కోసం కాకుండా తనదైన శైలిలో ఆడుతూ ఓపెనర్ అనిపించుకుంటున్నాడు.
వరల్డ్ కప్ లో రోహిత్ శర్మ 8 మ్యాచులు ఆడి 442 పరుగులు చేశాడు. అది కూడా 100కి పైగా స్ర్టైక్ రేట్ తో పని చేస్తున్నాడు. ఇది చాలు రోహిత్ ఎలా ఆడుతున్నాడో చెప్పడానికి. కెప్టెన్సీ విషయంలోనూ రోహిత్ తనదైన శైలిలో రాణిస్తున్నాడు. ప్రత్యర్థి జట్లకు చుక్కలు చూపిస్తున్నాడు. కానీ ఎక్కడా ఆయనకు దక్కాల్సిన గుర్తింపు రాలేదు. అదే రోహిత్ ప్లేస్ లో ధోనీనో మరో ఆటగాడో ఉంటే ఇక ఆకాశానికి ఎత్తేసేవాళ్లే.
